20 memleketten jinalǵan talantty oqýshylar men sarapshylar "Jeńistiń 50 jyldyǵy" atomdyq muzjarǵysh kemesimen Soltústik poliýske sapar shegetin bolady, dep habarlaidy Dalanews.kz.
2025 jyldyń 28 sáýirde "Bilimge qushtar" VI halyqaralyq ǵylymi-aǵartýshylyq jobasyna sheteldik qatysýshylar arasynda irikteý baiqaýy bastaldy. Biylǵy joba Reseidiń atom salasynyń 80 jyldyǵy men Soltústik teńiz jolynyń igerilýiniń 500 jyldyǵyna arnalyp otyr. Baiqaý jeńimpazdary "Rosatomflot" kompaniiasynyń "Jeńiske 50 jyl" atomdyq muzjarǵysh kemesimen Arktikaǵa ekspeditsiiaǵa attanady. Ol jaqta qyzyqty bilim berý baǵdarlamasynda: dárister, sheberlik synyptar, viktorinalar jáne taǵy basqa sharalar qamtylady.
Irikteýge 20 memlekettiń oqýshylary, onyń ishinde Qazaqstandyq balalar da qatysa alady. Baiqaýǵa qatysý goarctic.energy saitynda ótedi.
2024 jyly Qazaqstannan Aian Maratov qatysyp, Soltústik poliýske shekken saparyn eń jarqyn, ári umytylmas oqiǵa dep baǵalaǵan edi.
"Jerdiń joǵarǵy jaǵyndaǵy alǵashqy jasaǵan qadamdarym ádettegidei boldy. Ol jaqtaǵy kún raiy qys kezindegi Astananyń qary men muzy siiaqty. Biraq ol jaqtaǵy aimaqtyń kórkin sol jer emes, adamdar keltiredi eken. Ekspeditsiiadaǵy eń áserli sát — Qazaqstan týyn Soltústik poliýske tigý boldy. Sol sátte men jer betindegi eń soltústiktegi qazaqstandyq boldym dep senimmen aita alamyn!", — dedi Aian.
Atomdyq muzjarǵysh bortynda qyzyqty bilim berý men mádeni baǵdarlama, dárister, sheberlik synyptar, kontsertter ótti. Balalar on kún boiy tańǵajaiyp tabiǵatty, teńiz janýarlaryn jáne aisbergterdi tamashalady.
Baiqaýdyń irikteýi 3 kezeńnen turady jáne ol 20 maýsymda aiaqtalady. Sol kezde qorytyndy shyǵarylyp, Soltústik poliýske ekspeditsiiaǵa qatysatyn halyqaralyq komanda anyqtalady.
Anyqtama úshin:
"Bilimge qushtar" ǵylymi-aǵartýshylyq jobasyn "Rosatom" memlekettik korporatsiiasynyń qoldaýymen Atom energiiasy jónindegi aqparattyq ortalyqtar jelisi (AEAO) uiymdastyryp otyr. Joba jaratylystaný ǵylymdaryn jáne atom salasynyń tehnologiialaryn tanytýǵa, daryndy balalardy anyqtap, olardy qoldap qabiletterin damytýǵa jáne kásibi baǵyt-baǵdar berýdi maqsat etken. Jobaǵa álemniń túkpir-túkpirinen 14-16 jastaǵy oqýshylar qatysady. Top jarǵan úzdikter "Rosatomnyń" ǵylymi-aǵartýshylyq ekspeditsiiasyna qatysyp, "Jeńiske 50 jyl" atomdyq muzjarǵysh kemesimen Soltústik poliýske attanady.
"Bilimge qushtar" jobasy 6 jyl qatarynan daryndy jáne belsendi balalarǵa Soltústik poliýske umytylmas sapar jasaýǵa múmkindik berip keledi. Joba sheńberinde 350-den astam daryndy oqýshy "Rosatomnyń" arktikalyq ekspeditsiialaryna qatysqan. 2024 jyly "Bilimge qushtar" ekspeditsiiasy alǵash ret halyqaralyq formatta ótti. Qazaqstan, Armeniia, Ózbekstan, Qyrǵyzstan, Belarýs, Mońǵoliia, Vengriia, Úndistan, Qytai, OAR elderinen 15 oqýshy men sarapshydan quralǵan komanda "Jeńiske 50 jyl" atomdyq muzjarǵyshymen Soltústik poliýske shyqty.
"Rosatom" jáne onyń kásiporyndary bilim berý, ǵylymi-aǵartýshylyq jáne mádeni bastamalardy qoldaýǵa jáne damytýǵa erekshe nazar aýdaryp otyr. Olar sonymen qatar Qazaqstan Respýblikasynda da aýqymdy bilim berý jobalaryn júzege asyrýǵa, shákirtaqylyq baǵdarlamalar arqyly qoldaý kórsetýge, stýdentterge tájiribe men taǵylymdama uiymdastyrýǵa qatysady.
