قازاقستاندىق دەلەگاسيا رەسەيدەگى اەس-تى تەكسەرۋدى اياقتادى، مەردىگەردى تاڭداۋ جاقىنداپ قالدى، دەپ حابارلايدى Dalanews.kz ەنەرگەتيكا مينيسترلىگىنە سىلتەپ.
21 قاڭتاردا قازاقستان رەسپۋبليكاسىنىڭ ەنەرگەتيكا ءمينيسترى الماسادام ساتقالييەۆتىڭ باسشىلىعىمەن قازاقستاندىق دەلەگاسيا رەسەي فەدەراسياسىنا جۇمىس ساپارىمەن باردى.
ساپاردىڭ نەگىزگى ماقساتى - اتوم ەلەكتر ستانسيالارىن پايدالانۋ تاجىريبەسىمەن تانىسۋ جانە ۆۆەر-1200 رەاكتورلارى بار 3+ بۋىندى ەنەرگەتيكالىق بلوكتاردىڭ تەحنولوگيالارىن زەرتتەۋ بولدى. دەلەگاسيا لەنينگراد اەس-ىنە بارىپ، ستانسيا جۇمىسىنىڭ نەگىزگى تەحنيكالىق اسپەكتىلەرىمەن تانىستى، سونىڭ ىشىندە بلوكتىق باسقارۋ پۋنكتىنىڭ قۇرىلعىسى، تۋربينا سەحى، زەرتحانالىق كەشەن جانە ەنەرگوبلوكتاردىڭ سالقىنداتۋ جۇيەسى ۇسىنىلدى. ۆۆەر-1200 رەاكتورى «روساتوم» مەملەكەتتىك كورپوراسياسىنىڭ فلاگماندىق جوباسى بولىپ تابىلادى.
رەسەي فەدەراسياسىنا ساپار قازاقستاندا اەس سالۋ ءۇشىن تەحنولوگيالاردىڭ الەۋەتتى جەتكىزۋشىلەرىمەن باسەكەلەستىك ديالوگتىڭ قورىتىندى كەزەڭى بولدى.
بۇعان دەيىن، 2024 جىلدىڭ قازان-جەلتوقسان ايلارى ارالىعىندا، وسىنداي جۇمىس ساپارلارى كورەيا رەسپۋبليكاسىنا، فرانسۋز رەسپۋبليكاسىنا جانە جۇڭگو حالىق رەسپۋبليكاسىنا جاسالعان بولاتىن. «روساتوم» مەملەكەتتىك كورپوراسياسى كورەيلىك KHNP، قىتايلىق CNNC جانە فرانسۋزدىق EDF كومپانيالارىمەن بىرگە «شورت-تىزىمگە» ەنگەن.
ساپار بارىسىندا دەلەگاسيا لەنينگراد اەس باسشىلىعىمەن كونسۋلتاسيالار وتكىزىپ، ستانسيانىڭ ينفراقۇرىلىمىمەن تانىستى. سونداي-اق، اەس-تىڭ سەرىكتەس قالاسى – سوسنوۆىي بورعا بارۋ جۇزەگە اسىرىلدى، ول زاماناۋي عىلىمي قالاسى جانە عىلىمي-ينجەنەرلىك قۇزىرەتتەر ورتالىعى بولىپ تابىلادى.
انىقتاما: لەنينگراد اەس-ى – رەسەيدەگى ورناتىلعان قۋاتى بويىنشا ەڭ ءىرى جانە ەكى ءتۇرلى تيپتەگى ەنەرگوبلوكتار جۇمىس ىستەيتىن جالعىز اەس: ۋران-گرافيتتى كانالدى (ربمك) جانە سۋ-سۋ (ۆۆەر). ۆۆەر-1200 جوباسىنىڭ باستى ەرەكشەلىگى – ستانسيانى سىرتقى جانە ىشكى اسەرلەرگە بارىنشا ءتوزىمدى ەتەتىن بەلسەندى جانە ءپاسسيۆتى قاۋىپسىزدىك جۇيەلەرىنىڭ بىرەگەي ۇيلەسىمى.
«بۇگىن ءبىز يادرولىق ەنەرگەتيكا سالاسىنداعى الەمدىك ۇزدىك تاجىريبەلەردى زەرتتەۋگە باعىتتالعان جۇمىس ساپارلارىمىزدى اياقتادىق. لەنينگراد اەس-ىنە بارۋ قورشاعان ورتانى قورعاۋ جانە جەرگىلىكتى تۇرعىنداردىڭ ءال-اۋقاتىن قامتاماسىز ەتەتىن تەحنولوگيالار مەن قاۋىپسىزدىك شارالارىمەن تەرەڭ تانىسۋعا مۇمكىندىك بەردى»، - دەدى قازاقستان رەسپۋبليكاسىنىڭ ەنەرگەتيكا ءمينيسترى الماسادام ساتقالييەۆ.
اەس سالۋ جوباسى ءۇشىن جەتكىزۋشىنى نەمەسە كونسورسيۋمدى تاڭداۋ بويىنشا سوڭعى شەشىم اعىمداعى جىلى قابىلداناتىن بولادى. شەشىم ۇلتتىق مۇددەلەردى، حالىقارالىق نورمالار مەن مىندەتتەمەلەردى، سونداي-اق حالىقارالىق اتوم ەنەرگياسى اگەنتتىگىنىڭ (اەحا) ۇسىنىستارىن ەسكەرە وتىرىپ قابىلدانادى.
