قازاقستاندا الاياقتار ازاماتتاردىڭ جسن-ٸن پايدالانىپ, ولاردىڭ اتىنا زاڭسىز SIM-كارتالار رەسٸمدەۋٸ مٷمكٸن. كەيٸن مۇنداي نٶمٸرلەر ارقىلى نەسيە رەسٸمدەۋ, جالعان اككاۋنتتار اشۋ نەمەسە بانك پەن قۇقىق قورعاۋ ورگاندارىنىڭ اتىنان قوڭىراۋ شالۋ سيياقتى زاڭسىز ەرەكەتتەر جاسالۋى ىقتيمال, دەپ حابارلايدى dalanews.kz.
كٶپ جاعدايدا ازاماتتار ٶز اتىنا تٸركەلگەن بٶگدە نٶمٸرلەر تۋرالى كەزدەيسوق بٸلەدٸ. ەدەتتە بۇل الاياقتىق ەرەكەتتەر جاسالعاننان كەيٸن عانا انىقتالادى.
ساراپشىلاردىڭ ايتۋىنشا, قازاقستاندا SIM-كارتا ساتىپ الۋ كەزٸندە مٸندەتتٸ بيومەترييالىق سەيكەستەندٸرۋ ەنگٸزٸلگەنٸمەن, بۇل مەسەلە تولىق شەشٸلگەن جوق. قاسكٶيلەر ەسكٸ قورعالماعان دەرەكقورلاردى پايدالانادى, ادامداردى «دەرەكتەردٸ جاڭارتۋ» دەگەن سىلتاۋمەن قاشىقتان ۆەريفيكاتسييادان ٶتكٸزۋگە كٶندٸرەدٸ نەمەسە جالعان تۇلعالاردى (دروپتاردى) تارتادى.
ٶزٸڭٸزدٸڭ اتىڭىزعا قانداي نٶمٸرلەر تٸركەلگەنٸن تەكسەرۋ ٷشٸن بٸرنەشە مينۋت جەتكٸلٸكتٸ.
الدىمەن eGov Mobile موبيلدٸ قوسىمشاسىن اشىپ, ەتسق نەمەسە SMS-كود ارقىلى جٷيەگە كٸرٸڭٸز.
ودان كەيٸن باستى بەتتەگٸ «مەملەكەتتٸك قىزمەتتەر» بٶلٸمٸنە ٶتٸپ, «تانىمال قىزمەتتەردٸ» تاڭداڭىز.
سودان سوڭ «ابونەنتتٸك نٶمٸردٸڭ IMEI كودىن تەكسەرۋ» قىزمەتٸن اشىڭىز. بۇل سەرۆيس ارقىلى جسن نەمەسە IMEI نٶمٸرٸ بويىنشا ٶز اتىڭىزعا تٸركەلگەن بايلانىس نٶمٸرلەرٸن تەكسەرۋگە بولادى.
ەگەر تەكسەرۋ بارىسىندا ٶزٸڭٸزگە تيەسٸلٸ ەمەس نٶمٸر انىقتالسا, ۇيالى بايلانىس وپەراتورىنىڭ رەسمي بايلانىس ورتالىعىنا دەرەۋ حابارلاسىپ, نٶمٸردٸ بۇعاتتاۋدى جەنە كەلٸسٸمشارتتى توقتاتۋدى تالاپ ەتكەن جٶن. سونداي-اق قۇقىق قورعاۋ ورگاندارىنا ارىز جازۋ ۇسىنىلادى.
