Qazaqstandyq delegatsiia Reseidegi AES-ti tekserýdi aiaqtady, merdigerdi tańdaý jaqyndap qaldy, dep habarlaidy Dalanews.kz Energetika ministrligine siltep.
21 qańtarda Qazaqstan Respýblikasynyń Energetika ministri Almasadam Sátqalievtiń basshylyǵymen qazaqstandyq delegatsiia Resei Federatsiiasyna jumys saparymen bardy.
Sapardyń negizgi maqsaty - atom elektr stantsiialaryn paidalaný tájiribesimen tanysý jáne VVER-1200 reaktorlary bar 3+ býyndy energetikalyq bloktardyń tehnologiialaryn zertteý boldy. Delegatsiia Leningrad AES-ine baryp, stantsiia jumysynyń negizgi tehnikalyq aspektilerimen tanysty, sonyń ishinde bloktyq basqarý pýnktiniń qurylǵysy, týrbina tsehy, zerthanalyq keshen jáne energobloktardyń salqyndatý júiesi usynyldy. VVER-1200 reaktory «Rosatom» memlekettik korporatsiiasynyń flagmandyq jobasy bolyp tabylady.
Resei Federatsiiasyna sapar Qazaqstanda AES salý úshin tehnologiialardyń áleýetti jetkizýshilerimen básekelestik dialogtyń qorytyndy kezeńi boldy.
Buǵan deiin, 2024 jyldyń qazan-jeltoqsan ailary aralyǵynda, osyndai jumys saparlary Koreia Respýblikasyna, Frantsýz Respýblikasyna jáne Qytai Halyq Respýblikasyna jasalǵan bolatyn. «Rosatom» memlekettik korporatsiiasy koreilik KHNP, qytailyq CNNC jáne frantsýzdyq EDF kompaniialarymen birge «short-tizimge» engen.
Sapar barysynda delegatsiia Leningrad AES basshylyǵymen konsýltatsiialar ótkizip, stantsiianyń infraqurylymymen tanysty. Sondai-aq, AES-tiń seriktes qalasy – Sosnovyi Borǵa barý júzege asyryldy, ol zamanaýi ǵylymi qalasy jáne ǵylymi-injenerlik quzyretter ortalyǵy bolyp tabylady.
Anyqtama: Leningrad AES-i – Reseidegi ornatylǵan qýaty boiynsha eń iri jáne eki túrli tiptegi energobloktar jumys isteitin jalǵyz AES: ýran-grafitti kanaldy (RBMK) jáne sý-sý (VVER). VVER-1200 jobasynyń basty ereksheligi – stantsiiany syrtqy jáne ishki áserlerge barynsha tózimdi etetin belsendi jáne passivti qaýipsizdik júieleriniń biregei úilesimi.
«Búgin biz iadrolyq energetika salasyndaǵy álemdik úzdik tájiribelerdi zertteýge baǵyttalǵan jumys saparlarymyzdy aiaqtadyq. Leningrad AES-ine barý qorshaǵan ortany qorǵaý jáne jergilikti turǵyndardyń ál-aýqatyn qamtamasyz etetin tehnologiialar men qaýipsizdik sharalarymen tereń tanysýǵa múmkindik berdi», - dedi Qazaqstan Respýblikasynyń Energetika ministri Almasadam Sátqaliev.
AES salý jobasy úshin jetkizýshini nemese konsortsiýmdy tańdaý boiynsha sońǵy sheshim aǵymdaǵy jyly qabyldanatyn bolady. Sheshim ulttyq múddelerdi, halyqaralyq normalar men mindettemelerdi, sondai-aq Halyqaralyq atom energiiasy agenttiginiń (AEHA) usynystaryn eskere otyryp qabyldanady.
