مۋمباي ەۋەجايىندا ەكٸ ۇشاق سوقتىعىسا جازداعان. DGCA, ياعني ٷندٸستان ازاماتتىق اۆياتسيياسىنىڭ باس ديرەكتسيياسى ٶكٸلدەرٸ بۇل وقيعانى زەرتتەپ جاتىر. بۇل تۋرالى ٷندٸستاننىڭ جەرگٸلٸكتٸ باسىلىمدارى جازدى, - دەپ حابارلايدى Dalanews.kz.
The Hindu مەلٸمەتٸنشە, ٶتكەن اپتادا مۋمباي ەۋەجايىندا Air Astana ۇشاعى قاتە بۇرىلىس جاساپ, ۇشۋ-قونۋ جولاعىنا شىعىپ كەتكەن, ال بۇل كەزدە Air India ۇشاعى ۇشۋ ٷشٸن جىلدامدىقتى ارتتىرعان.
"22 اقپاندا ساعات 15:00-دە Air Astana ەۋەكومپانيياسىنىڭ Airbus A320 ۇشاعى الماتىعا ۇشۋعا دايىندالىپ جاتقان كەزدە قاتە بۇرىلىس جاساعان. Air Astana ۇشاعى قولدانىستاعى ۇشۋ-قونۋ جولاعىن كەسٸپ ٶتكەن سەتتە Air India اۆياكومپانيياسىنىڭ Airbus A319 ۇشاعى دوحاعا رەيسكە ۇشۋ ٷشٸن جىلدامدىقتى ارتتىرا باستاعان.
كەيٸن Air India ۇشاعى جىلدامدىقتى تٶمەندەتٸپ, اپاتتىڭ الدىن الىپ, ۇشپاي قالعان. Air Astana ۇشاعى دۇرىس ەمەس باعىت بويىنشا قوزعالىستى جالعاستىردى. ۇشاق ٶز جولاعىنا تٷسٸپ, كەزەكتٸ كٷتۋٸ كەرەك ەدٸ", - دەپ جازىلعان جەرگٸلٸكتٸ باسىلىم مەلٸمەتٸندە.
وقيعا Air India-نىڭ دوحاعا ۇشۋ ۋاقىتىن بٸر ساعاتقا كەشٸكتٸرگەن.
