Mýmbai áýejaiynda eki ushaq soqtyǵysa jazdaǵan. DGCA, iaǵni Úndistan Azamattyq aviatsiiasynyń bas direktsiiasy ókilderi bul oqiǵany zerttep jatyr. Bul týraly Úndistannyń jergilikti basylymdary jazdy, - dep habarlaidy Dalanews.kz.
The Hindu málimetinshe, ótken aptada Mýmbai áýejaiynda Air Astana ushaǵy qate burylys jasap, ushý-qoný jolaǵyna shyǵyp ketken, al bul kezde Air India ushaǵy ushý úshin jyldamdyqty arttyrǵan.
"22 aqpanda saǵat 15:00-de Air Astana áýekompaniiasynyń Airbus A320 ushaǵy Almatyǵa ushýǵa daiyndalyp jatqan kezde qate burylys jasaǵan. Air Astana ushaǵy qoldanystaǵy ushý-qoný jolaǵyn kesip ótken sátte Air India aviakompaniiasynyń Airbus A319 ushaǵy Dohaǵa reiske ushý úshin jyldamdyqty arttyra bastaǵan.
Keiin Air India ushaǵy jyldamdyqty tómendetip, apattyń aldyn alyp, ushpai qalǵan. Air Astana ushaǵy durys emes baǵyt boiynsha qozǵalysty jalǵastyrdy. Ushaq óz jolaǵyna túsip, kezekti kútýi kerek edi", - dep jazylǵan jergilikti basylym málimetinde.
Oqiǵa Air India-nyń Dohaǵa ushý ýaqytyn bir saǵatqa keshiktirgen.
