مەملەكەتتىك كىرىستەر كوميتەتى قازاقستاندىق بلوگەرلەرگە قاتىستى مالىمەت جاريالادى، دەپ حابارلايدى Dalanews.kz.
كوميتەتتىڭ مالىمەتىنشە، 63 وتاندىق بلوگەر كىرىسىن ءوز ەركىمەن جاريالاپ، جالپى 2،8 ملرد تەڭگە تابىس تاپقاندارىن كورسەتكەن. بۇل سومادان 105 ميلليون تەڭگە سالىق تولەنگەن.
13 ناۋرىزداعى جاعداي بويىنشا، بلوگەرلەر 2 768،4 ملن تەڭگە كولەمىندە قوسىمشا تابىسىن رەسمي تۇردە دەكلاراسيالاپ، 105 ملن تەڭگە كولەمىندە سالىق تولەمىن وتەگەن.
بۇعان دەيىن سالىق ورگاندارىنىڭ ەسكەرتۋىنەن كەيىن قازاق بلوگەرلەرى 1،5 ملرد تەڭگە سالىق تولەگەنى حابارلانعان ەدى.
كوميتەتتىڭ مالىمدەۋىنشە، كامەرالدىق باقىلاۋ ءوز بەتىنشە تابىس تاباتىن بارلىق ازاماتتارعا بىردەي دەڭگەيدە جۇرگىزىلەدى. 2025 جىلى بۇل باقىلاۋ ناتيجەسىندە 80 000 جەكە تۇلعاعا، سونىڭ ىشىندە جەكە كاسىپكەرلەرگە دە سالىقتىق حابارلاما جىبەرىلگەن.
