Memlekettik kirister komiteti qazaqstandyq blogerlerge qatysty málimet jariialady, dep habarlaidy Dalanews.kz.
Komitettiń málimetinshe, 63 otandyq bloger kirisin óz erkimen jariialap, jalpy 2,8 mlrd teńge tabys tapqandaryn kórsetken. Bul somadan 105 million teńge salyq tólengen.
13 naýryzdaǵy jaǵdai boiynsha, blogerler 2 768,4 mln teńge kóleminde qosymsha tabysyn resmi túrde deklaratsiialap, 105 mln teńge kóleminde salyq tólemin ótegen.
Buǵan deiin salyq organdarynyń eskertýinen keiin qazaq blogerleri 1,5 mlrd teńge salyq tólegeni habarlanǵan edi.
Komitettiń málimdeýinshe, kameraldyq baqylaý óz betinshe tabys tabatyn barlyq azamattarǵa birdei deńgeide júrgiziledi. 2025 jyly bul baqylaý nátijesinde 80 000 jeke tulǵaǵa, sonyń ishinde jeke kásipkerlerge de salyqtyq habarlama jiberilgen.
