ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، 2025 جىلدىڭ باسىنان بەرى قازاقستاندىقتارعا 1،7 ترلن تەڭگەدەن استام سوماعا زەينەتاقى تولەنگەن، دەپ حابارلايدى Dalanews.kz.
جىل باسىنان بەرى رەسپۋبليكالىق بيۋدجەتتەن 1 ترلن 745،9 ملرد تەڭگە كولەمىندە زەينەتاقى تولەنگەن. ونىڭ ىشىندە بازالىق زەينەتاقىنى تولەۋگە – 564،7 ملرد تەڭگە، ال ىنتىماقتى زەينەتاقىعا – 1 ترلن 181،2 ملرد تەڭگە باعىتتالعان.
"2025 جىلعى 1 ماۋسىمداعى جاعداي بويىنشا ەلىمىزدەگى زەينەتكەرلەر سانى 2 ملن 481 مىڭ ادامدى قۇرايدى. 1 ماۋسىمداعى دەرەككە سايكەس، جيىنتىق زەينەتاقىنىڭ ورتاشا مولشەرى – 143 502 تەڭگە. ونىڭ ىشىندە ىنتىماقتى زەينەتاقى – 95 814 تەڭگە، بازالىق زەينەتاقى – 47 688 تەڭگە"، – دەپ حابارلادى مينيسترلىك.
