Eńbek jáne halyqty áleýmettik qorǵaý ministrliginiń málimetinshe, 2025 jyldyń basynan beri qazaqstandyqtarǵa 1,7 trln teńgeden astam somaǵa zeinetaqy tólengen, dep habarlaidy Dalanews.kz.
Jyl basynan beri respýblikalyq biýdjetten 1 trln 745,9 mlrd teńge kóleminde zeinetaqy tólengen. Onyń ishinde bazalyq zeinetaqyny tóleýge – 564,7 mlrd teńge, al yntymaqty zeinetaqyǵa – 1 trln 181,2 mlrd teńge baǵyttalǵan.
"2025 jylǵy 1 maýsymdaǵy jaǵdai boiynsha elimizdegi zeinetkerler sany 2 mln 481 myń adamdy quraidy. 1 maýsymdaǵy derekke sáikes, jiyntyq zeinetaqynyń ortasha mólsheri – 143 502 teńge. Onyń ishinde yntymaqty zeinetaqy – 95 814 teńge, bazalyq zeinetaqy – 47 688 teńge", – dep habarlady ministrlik.
