Еңбек және халықты әлеуметтік қорғау министрлігінің мәліметінше, 2025 жылдың басынан бері қазақстандықтарға 1,7 трлн теңгеден астам сомаға зейнетақы төленген, деп хабарлайды Dalanews.kz.
Жыл басынан бері республикалық бюджеттен 1 трлн 745,9 млрд теңге көлемінде зейнетақы төленген. Оның ішінде базалық зейнетақыны төлеуге – 564,7 млрд теңге, ал ынтымақты зейнетақыға – 1 трлн 181,2 млрд теңге бағытталған.
"2025 жылғы 1 маусымдағы жағдай бойынша еліміздегі зейнеткерлер саны 2 млн 481 мың адамды құрайды. 1 маусымдағы дерекке сәйкес, жиынтық зейнетақының орташа мөлшері – 143 502 теңге. Оның ішінде ынтымақты зейнетақы – 95 814 теңге, базалық зейнетақы – 47 688 теңге", – деп хабарлады министрлік.
