2025 جىلى رەسپۋبليكالىق بيۋدجەتتەن 4 ترلن 225 ملرد تەڭگە سوماسىنا زەينەتاقى تولەندى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى، دەپ حابارلايدى Dalanews.kz.
ونىڭ ىشىندە بازالىق زەينەتاقى تولەۋگە 1 368،4 ملرد تەڭگە، ىنتىماقتى زەينەتاقى تولەۋگە 2 856،6 ملرد تەڭگە قاراستىرىلدى.
2025 جىلدىڭ قورىتىندىسى بويىنشا زەينەتكەرلەر سانى - 2 ملن 491 مىڭ ادام.
"جيىنتىق زەينەتاقىنىڭ ورتاشا مولشەرى 2025 جىلدىڭ قورىتىندىسى بويىنشا 143 143 تەڭگە، ونىڭ ىشىندە ىنتىماقتى زەينەتاقى مولشەرى 95 549 تەڭگە، بازالىق زەينەتاقى 47 594 تەڭگە بولدى"، - دەپ جازىلعان مينيسترلىك حابارلاماسىندا.
