2026 جىلى قازاقستاندا زەينەتاقى مەن جاردەماقى تولەمدەرىنە 6،8 تريلليون تەڭگە ءبولىنۋى جوسپارلانىپ وتىر. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى، دەپ حابارلايدى Dalanews.kz.

مينيسترلىكتىڭ مالىمەتىنشە، رەسپۋبليكالىق بيۋدجەتتىڭ جوباسىندا الەۋمەتتىك قولداۋعا ارنالعان ءىرى كولەمدەگى شىعىندار قاراستىرىلعان.

"2026 جىلعا ارنالعان رەسپۋبليكالىق بيۋدجەت جوباسىندا زەينەتاقى مەن جاردەماقىلار تۇرىندەگى الەۋمەتتىك تولەمدەرگە جالپى 6،8 تريلليون تەڭگە كولەمىندە شىعىن كوزدەلگەن"، – دەلىنگەن Tengrinews.kz رەداكسياسىنىڭ رەسمي ساۋالىنا جولدانعان جاۋاپتا.

سالىستىرمالى ءوسىم:

2025 جىلمەن سالىستىرعاندا بۇل كورسەتكىش 14،4 پايىزعا نەمەسە 860،5 ميلليارد تەڭگەگە ارتىق بولماق.

سونىڭ ىشىندە:

زەينەتاقى مەن جاردەماقىلاردى يندەكساسيالاۋعا – 622،6 ملرد تەڭگە،

الۋشىلار سانىنىڭ ارتۋىنا – 237،9 ملرد تەڭگە بولىنبەك.

2026 جىلدىڭ 1 قاڭتارىنان باستاپ 2،6 ميلليوننان استام زەينەتكەر مەن شامامەن 2،3 ميلليون جاردەماقى الۋشى ءۇشىن زەينەتاقى مەن جاردەماقىلار 10،5%-عا يندەكساسيالانۋى جوسپارلانۋدا.

يندەكساسيا مىنا تولەم تۇرلەرىن قامتيدى:

• ەڭبەك جانە بازالىق زەينەتاقىلار؛
• مۇگەدەكتىككە جانە اسىراۋشىسىنان ايىرىلۋعا بايلانىستى مەملەكەتتىك الەۋمەتتىك جاردەماقىلار؛
• بالا تۋۋىنا، 1،5 جاسقا دەيىنگى بالا كۇتىمىنە، مۇمكىندىگى شەكتەۋلى بالاسى بار اتا-انالار مەن قامقورشىلارعا، كوپبالالى انالار مەن وتباسىلارعا ارنالعان جاردەماقىلار؛
• ارنايى مەملەكەتتىك جاردەماقىلار؛
• ءى توپتاعى مۇگەدەكتەرگە كۇتىم جاسايتىن ادامدارعا ارنالعان تولەمدەر؛

زەينەتكەرلەر مەن الەۋمەتتىك تولەم الۋشىلاردى جەرلەۋگە ارنالعان جاردەماقىلار.