ق ر ەڭبەك جانە الەۋمەتتىك قورعاۋ مينيسترلىگىنىڭ ستاتيستيكاسىنا سايكەس، 3،75 ترلن تەڭگە زەينەتاقى تولەمدەرىنىڭ رەكوردتىق كولەمى تىركەلدى. بۇل سوڭعى كەزدەرى زەينەتاقىمەن قامسىزداندىرۋدىڭ بالامالى قۇرالدارىنا قىزىعۋشىلىقتىڭ ارتۋى بايقالىپ وتىرعانىن بىلدىرەدى، دەپ حابارلايدى Dalanews.kz.
ق ر ۇلتتىق بانكتىڭ مالىمەتىنشە، 2024 جىلى زەينەتاقى اننۋيتەتتىك ساقتاندىرۋى بويىنشا سىياقىلار كولەمى 337،6%-عا ءوسىپ، 457،1 ملرد تەڭگەگە جەتتى. بۇل تۋرالى Freedom Life وسك جۇرگىزگەن زەرتتەۋدە قامتىلعان، دەپ جازادى Forbes.kz.
زەينەتاقى جۇيەسىنىڭ قازىرگى احۋالى
قازاقستانداعى زەينەتكەرلەر سانى — 2 ملن 445 مىڭ. جيىنتىق زەينەتاقىنىڭ ورتاشا مولشەرى 143 248 تەڭگەنى قۇرايدى، ونىڭ ىشىندە بازالىق زەينەتاقى - 47 459 تەڭگە جانە ىنتىماقتى زەينەتاقى — 95 789 تەڭگە.
ساراپشىلار 2025 جىلدىڭ باسىندا بازالىق زەينەتاقى ينفلياسيا دەڭگەيىنە سايكەس 6،5%-عا وسكەنىن، ال ىنتىماقتى زەينەتاقى ينفلياسيادان 2%-عا وزىپ، 8،5%-عا وسكەنىن ايتادى.
"ەڭ تومەنگى بازالىق زەينەتاقىنى ەڭ تومەنگى كۇنكورىس دەڭگەيىنەن 70%-عا دەيىن، ال ەڭ جوعارى زەينەتاقىنى 120%- عا دەيىن ارتتىرۋ ەرەكشە ماڭىزعا يە بولدى"، دەلىنگەن زەرتتەۋدە.
ساقتاندىرۋ نارىعىنىڭ قۇرىلىمىن تالداۋدا قازاقستاندىقتاردىڭ قالاۋىنداعى تۇبەگەيلى وزگەرىستەر انىقتالدى. سىياقىلاردىڭ جالپى كولەمىنىڭ 46،8%-دى قۇراي وتىرىپ، زەينەتاقى اننۋيتەتتىك ساقتاندىرۋ ۇستەم جاعدايعا يە بولعان ءارى ءبىر جىل ىشىندە 20،1% ءوسىمدى كورسەتكەن. بۇل ەرەكشە قۇبىلىسقا بالانادى.
زەينەتاقى اننۋيتەتتەرى نارىعىنىڭ وسۋىنە ىقپال ەتۋشى فاكتورلار
2024 جىلى زەينەتاقى اننۋيتەتتەرى نارىعىنىڭ ءوسىمى ءوزارا قابىسقان فاكتورلار كەشەنىنە بايلانىستى بولدى، - دەيدى ساراپشىلار. وسىنداي فاكتورلاردىڭ ءبىرى رەتىندە ولار دەموگرافيالىق تەندەنسيالاردىڭ "ماڭىزدى اسەرىن" اتايدى.
"قازاقستاندا ءومىر ءسۇرۋ ۇزاقتىعىنىڭ تۇراقتى ءوسۋ ءۇردىسى بايقالادى: ستاتيستيكا دەرەكتەرى بويىنشا ەلىمىزدەگى ورتاشا ءومىر ءسۇرۋ ۇزاقتىعى 75،9 جىلعا جەتتى. بۇل رەتتە زەينەتكەرلىك جاسقا دەيىنگى (50-60 جاس) ازاماتتاردىڭ ۇلەسى حالىقتىڭ 15%-دان استامىن قۇرايدى. بۇل جاس توبى زەينەتاقى اننۋيتەتتەرىنە، اسىرەسە ەرتەرەك زەينەتكە شىعۋ مۇمكىندىگىنە ۇلكەن قىزىعۋشىلىق تانىتادى"، - دەلىنگەن زەرتتەۋدە.
باسقا فاكتورلارعا كەلسەك، ماماندار بۇل رەتتە ماكروەكونوميكالىق (قارجى نارىقتارىنداعى جوعارى قۇبىلمالىلىق جانە ينفلياسيالىق تاۋەكەلدەر) جانە قارجى سەكتورىنىڭ تەحنولوگيالىق ترانسفورماسياسىن (شارتتار جاساسۋ جانە ولارعا قىزمەت كورسەتۋ پروسەستەرىن سيفرلاندىرۋ زەينەتاقى ونىمدەرىنە قول جەتكىزۋدى ەداۋىر جەڭىلدەتتى) اتايدى. 2024 جىلى زەينەتاقى اننۋيتەتى شارتتارى بويىنشا بجزق-دان وسك-عا جيناقتاردى اۋدارۋ ءراسىمى وڭتايلاندىرىلدى، دەپ ەسكە سالادى زەرتتەۋ اۆتورلارى.
يننوۆاسيالارعا سايكەس، سالىمشىلار زەينەتاقى اننۋيتەتى شارتىن تىكەلەي ساقتاندىرۋشىلاردىڭ كەڭسەلەرىندە جانە وسك سايتىندا ونلاين رەجيمدە، بجزق-عا وزدەرىنىڭ زەينەتاقى جيناقتارىن وسك-عا اۋدارۋ تۋرالى وتىنىشپەن جۇگىنبەي-اق جاساي الادى.
ساراپشىلاردىڭ پىكىرىنشە، زەينەتاقى اننۋيتەتتەرى نارىعى ءوسىمىنىڭ تاعى ءبىر ماڭىزدى فاكتورى حالىقتىڭ قارجىلىق ساۋاتتىلىعىن ارتتىرۋ بولدى.
نارىق بويىنشا 2030 جىلعا دەيىنگى بولجامدار
"تاياۋداعى ەكى جىلدا قازاقستاندا زەينەتاقى اننۋيتەتتەرى ۇلەسىنىڭ ودان ءارى ءوسىمى كۇتىلەدى: ءومىردى ساقتاندىرۋ نارىعى 55-60% -عا دەيىن، سىياقىلارىنىڭ جالپى كولەمى 500-550 ملرد تەڭگەگە دەيىن ۇلعايادى" دەپ بولجايدى زەرتتەۋ اۆتورلارى.
بۇل كەزەڭ، ولاردىڭ پىكىرىنشە، جاڭا ونىمدەردىڭ پايدا بولۋىمەن جانە نەگىزگى ويىنشىلار اراسىنداعى باسەكەلەستىكتىڭ كۇشەيۋىمەن سيپاتتالادى.
2027-2028 جىلدارعا قاراي نارىق 600-650 ملرد تەڭگە دەڭگەيىندە تۇراقتانۋى مۇمكىن.
"وسى كەزەڭدە تۇراقتى تۇتىنۋشىلىق ارتىقشىلىقتاردىڭ قالىپتاسۋى جانە ودان ءارى سيفرلاندىرۋ اياسىندا ءارتۇرلى كاسىبي توپتار ءۇشىن مامانداندىرىلعان زەينەتاقى ونىمدەرى پايدا بولادى دەپ بولجانادى"، — دەپ جازادى ساراپشىلار.
2029-2030 جىلدارى "حالىقارالىق قارجى نارىقتارىمەن ينتەگراسياعا، ترانسشەكارالىق زەينەتاقى ونىمدەرىن دامىتۋعا جانە زەينەتاقى اكتيۆتەرىن باسقارۋعا جاساندى ينتەللەكت تەحنولوگيالارىن ەنگىزۋ بولجانادى". ال وعان دەيىن، زەرتتەۋدە ايتىلعانداي، نارىق كولەمى 800-850 ملرد تەڭگەگە جەتۋى مۇمكىن.
بۇعان دەيىن 2025 جىلى قاڭتاردا بجزق شىعىنعا ۇشىراپ، قازاقستاندىقتاردىڭ شوتىنداعى اقشا كۇرت ازايعانىن جازعانبىز.
