كەيٸنگٸ جىلدارى قازاقستاندا نەكەگە تۇرۋ كٶرسەتكٸشٸ ايتارلىقتاي تٶمەندەپ بارادى. 2025 جىلدىڭ الدىن الا دەرەكتەرٸ بويىنشا, جالپى نەكە كوەففيتسيەنتٸ 5,62-گە دەيٸن تٷسٸپ, تەۋەلسٸزدٸك كەزەڭٸندەگٸ ەڭ تٶمەن دەڭگەيگە جەتتٸ. بٸر جىلدىڭ ٸشٸندە كٶرسەتكٸش تاعى دا تٶمەندەپ, بۇرىنعى جىلمەن سالىستىرعاندا 0,51 پۋنكتكە ازايعان, دەپ حابارلايدى Dalanews.kz.
Data Hub دەرەگٸنە سٷيەنسەك, 1991 جىلدان بەرٸ نەكە كٶرسەتكٸشٸ بٸردە ٶسٸپ, بٸردە تٶمەندەپ وتىرعان. ال كەيٸنگٸ 12 جىلدا ول 4 پۋنكتتەن اسا ازايىپ, قازٸر 1999 جىلعى ەڭ تٶمەن دەڭگەيگە جاقىندادى.
مامانداردىڭ ايتۋىنشا, ەل حالقى كٶبەيٸپ جاتقانىمەن, تٸركەلگەن نەكەلەر سانى كەرٸسٸنشە ازايىپ بارادى. 2025 جىلى قازاقستاندا 114,5 مىڭ نەكە قيىلعان, بۇل بٸر جىل بۇرىنعىدان 7 پايىز از. مۇنداي تٶمەن كٶرسەتكٸش كەيٸنگٸ 22 جىلدا العاش رەت تٸركەلدٸ.
دەگەنمەن بۇل جاعدايدى قازاقستاندىقتاردىڭ "نەكەگە مٷلدە قىزىعۋشىلىعى جوعالدى" دەپ بٸرجاقتى تٷسٸندٸرۋگە بولمايدى.
ٶيتكەنٸ نەكەنٸڭ باسىم بٶلٸگٸ 18–39 جاس ارالىعىندا قيىلادى, ال سوڭعى جىلدارى وسى جاستاعى جاستار سانى ازايعان. سونىمەن بٸرگە جاستاردىڭ وتباسىن كەشٸرەك قۇرۋى جيٸلەپ, نەكەگە تۇرۋ جاسى شامامەن بٸر جاسقا ۇلعايدى.
بۇعان قوسا, رەسمي تٸركەلمەگەن ازاماتتىق جەنە دٸني نەكەلەردٸڭ كٶبەيۋٸ دە رەسمي ستاتيستيكاعا ەسەر ەتپەي قويمايدى.
