قازاقستاندا تۋۋ كٶرسەتكٸشٸنٸڭ تٶمەندەۋٸ الداعى جىلدارى جالعاسىپ, بۇل ٷردٸس ەلدٸڭ ەڭبەك نارىعىنا, بٸلٸم بەرۋ مەن مەديتسينا سالالارىنا ايتارلىقتاي ىقپال ەتۋٸ مٷمكٸن. Alvin Market زەرتتەۋ اگەنتتٸگٸنٸڭ ساراپشىلارى وسىنداي قورىتىندىعا كەلگەن, دەپ حابارلايدى Dalanews.kz.
اگەنتتٸك مەلٸمەتٸنشە, الداعى 5–10 جىلدا باستاۋىش مەكتەپتەردەگٸ وقۋشىلار سانى ازايىپ, بۇل جەكەمەنشٸك بالاباقشالار مەن مەكتەپتەردٸڭ تولىق جٷكتەلمەۋٸنە ەكەلۋٸ مٷمكٸن. سونىمەن قاتار, بالالار تاۋارلارى نارىعى دا قىسىمعا ۇشىرايدى. مەديتسينادا پەدياترييالىق قىزمەتتەرگە سۇرانىس تٶمەندەپ, كەرٸسٸنشە, رەپرودۋكتيۆتٸ دەنساۋلىق ساقتاۋ سالاسىنا دەگەن قاجەتتٸلٸك ارتا تٷسەدٸ.
ۇزاق مەرزٸمدٸ پەرسپەكتيۆادا جۇمىسقا قابٸلەتتٸ حالىقتىڭ ازايۋى ەڭبەك رەسۋرستارىنىڭ تاپشىلىعىنا, جالاقى قورىنىڭ قىسىمعا ۇشىراۋىنا جەنە ٶندٸرٸستٸ اۆتوماتتاندىرۋ ٷدەرٸسٸنٸڭ كٷشەيۋٸنە الىپ كەلەدٸ. ساراپشىلار بۇل قۇبىلىستى قازاقستاننىڭ "كٷمٸس ەكونوميكاعا" — ياعني ەگدە جاستاعى تۇرعىنداردىڭ ٷلەسٸ باسىم قوعامعا كٶشۋٸمەن بايلانىستىرادى.
Alvin Market ساراپشىلارىنىڭ پٸكٸرٸنشە, بۇل مەسەلەگە قارسى تۇرۋ ٷشٸن ەلگە جاڭا, زاماناۋي وتباسىلىق ساياسات قاجەت. اتاپ ايتقاندا, قولجەتٸمدٸ تۇرعىن ٷيمەن قامتاماسىز ەتۋ, جۇمىس ٸستەيتٸن اتا-انالاردى قولداۋ جەنە بالا كٷتٸمٸ بويىنشا ينفراقۇرىلىمدى دامىتۋ — باستى مٸندەتتەردٸڭ بٸرٸ بولۋى تيٸس.
تۋۋ كٶرسەتكٸشٸنٸڭ تٶمەندەۋٸنٸڭ 7 نەگٸزگٸ سەبەبٸ:
دەموگرافييالىق جاڭعىرۋ ٷزٸلٸسٸ
قازٸر بالا تۋۋ جاسىنا 1990-جىلدارداعى داعدارىس كەزەڭٸندە تۋعان ادامدار كەلٸپ جەتتٸ. ول جىلدارى تۋىلعاندار سانى از بولعاندىقتان, اتا-انا بولۋعا قابٸلەتتٸ ەيەلدەر مەن ەرلەر دە از.
ەڭبەك نارىعىنداعى تۇراقسىزدىق
تۇراقتى تابىستىڭ بولماۋى بالالارعا ينۆەستيتسييا جاساۋدى تەۋەكەلگە اينالدىرادى.
مامانداردىڭ ەلدەن كەتۋٸ
رەپرودۋكتيۆتٸ جاستاعى ەيەلدەر, ٸت سالاسىنىڭ ماماندارى مەن كرەاتيۆتٸ يندۋسترييا ٶكٸلدەرٸ شەتەلگە قونىس اۋدارۋدا.
بالا سٷيۋدٸ كەيٸنگە شەگەرۋ
جاس وتباسىلار اراسىندا بٸرٸنشٸ بالانى بوسانۋ جاسى ۇزارۋدا, ال كەيبٸرٸ وتباسىندا بالا سانىن ەدەيٸ شەكتەيدٸ.
نەكەنٸڭ ازايۋى جەنە اجىراسۋدىڭ كٶبەيۋٸ
2013 جىلدان بەرٸ ەلدە نەكەگە تۇرۋشىلار سانى ازايىپ, اجىراسۋ كٶرسەتكٸشٸ ايتارلىقتاي ارتقان.
العاشقى انا بولۋ جاسىنىڭ ۇلعايۋى
ەيەلدەردٸڭ العاش رەت بالا تۋۋ جاسى جىلدان-جىلعا كەشٸگۋدە.
رەپرودۋكتيۆتٸ دەنساۋلىقتىڭ ناشارلاۋى
بەدەۋلٸك دەرەكتەرٸ كٶبەيٸپ, كٶپتەگەن وتباسى مەديتسينالىق كٶمەككە جٷگٸنۋگە مەجبٷر.
