مەملەكەت باسشىسى مەملەكەتتىك باسقارۋ جۇيەسىندەگى رەفورمالار ماسەلەسىنە توقتالدى. ول ءۇشىن، توقايەۆتىڭ ايتۋىنشا، سجرا - مەملەكەت باسشىسىنا تىكەلەي ەسەپ بەرەتىن ستراتەگيالىق جوسپارلاۋ جانە رەفورمالار اگەنتتىگى قۇرىلۋدا.
- مەملەكەتتىك باسقارۋدىڭ جاڭا مودەلى. وسى سالاداعى رەفورمالار جۇيەلى تۇردە جۇرگىزىپ وتىرۋ كەرەك. ونى مەملەكەتتىك باسقارۋعا، كادر ساياساتىنا، شەشىم قابىلداۋ جۇيەسىنە جانە ولاردى جۇزەگە اسىرۋداعى جاۋاپكەرشىلىككە دەگەن كوزقاراستاردى وزگەرتۋدەن باستايىق.
پاندەميا مەن داعدارىس جاعدايىندا قازىرگى مەملەكەتتىك باسقارۋ جۇيەسى ماكسيمالدى جىلدامدىقتا جۇمىس ىستەيدى. شۇعىل شەشىم قابىلداۋ مىندەتتەرى كوپ ۋاقىت پەن رەسۋرستاردى تالاپ ەتەدى، ءبىراق ماسەلەنى بوساڭسىتىپ الماۋ كەرەك، سوندىقتان پرەزيدەنتتىڭ الدىندا تىكەلەي ەسەپ بەرەتىن ستراتەگيالىق جوسپارلاۋ جانە رەفورمالار اگەنتتىگىن قۇرۋدى ءجون كوردىم.
مۇنداي ورگان بۇرىن بولعان، الدىنا قويىلعان مىندەتتەردى ويداعىداي جۇزەگە اسىرىپ كەلگەن، ەندى ول قايتادان بۇكىل مەملەكەتتىك جوسپارلاۋ جۇيەسىنىڭ ورتالىق بۋىنىنا اينالادى، - دەدى توقايەۆ.
پرەزيدەنت مەملەكەتتىك قىزمەت ەشقاشان جابىق كاستاعا اينالمايدى دەپ ۋادە بەردى.
- 2021 جىلدان باستاپ بالدىق-فاكتورلىق شكالا دەگەن ەنگىزىلەدى. بىزگە جاڭا كاسىبي كادرلار كەرەك. مەملەكەتتىك قىزمەت جابىق كاستاعا اينالماۋى ءتيىس. وسى جىلدىڭ سوڭىنا دەيىن "مەملەكەتتىك قىزمەت تۋرالى" زاڭعا تۇزەتۋلەر بويىنشا قۇجاتتاردى قابىلداۋدى تاپسىرامىن، - دەدى توقايەۆ.
