Memleket basshysy memlekettik basqarý júiesindegi reformalar máselesine toqtaldy. Ol úshin, Toqaevtyń aitýynsha, SJRA - memleket basshysyna tikelei esep beretin Strategiialyq josparlaý jáne reformalar agenttigi qurylýda.
- Memlekettik basqarýdyń jańa modeli. Osy saladaǵy reformalar júieli túrde júrgizip otyrý kerek. Ony memlekettik basqarýǵa, kadr saiasatyna, sheshim qabyldaý júiesine jáne olardy júzege asyrýdaǵy jaýapkershilikke degen kózqarastardy ózgertýden bastaiyq.
Pandemiia men daǵdarys jaǵdaiynda qazirgi memlekettik basqarý júiesi maksimaldy jyldamdyqta jumys isteidi. Shuǵyl sheshim qabyldaý mindetteri kóp ýaqyt pen resýrstardy talap etedi, biraq máseleni bosańsytyp almaý kerek, sondyqtan Prezidenttiń aldynda tikelei esep beretin Strategiialyq josparlaý jáne reformalar agenttigin qurýdy jón kórdim.
Mundai organ buryn bolǵan, aldyna qoiylǵan mindetterdi oidaǵydai júzege asyryp kelgen, endi ol qaitadan búkil memlekettik josparlaý júiesiniń ortalyq býynyna ainalady, - dedi Toqaev.
Prezident memlekettik qyzmet eshqashan jabyq kastaǵa ainalmaidy dep ýáde berdi.
- 2021 jyldan bastap baldyq-faktorlyq shkala degen engiziledi. Bizge jańa kásibi kadrlar kerek. Memlekettik qyzmet jabyq kastaǵa ainalmaýy tiis. Osy jyldyń sońyna deiin "Memlekettik qyzmet týraly" zańǵa túzetýler boiynsha qujattardy qabyldaýdy tapsyramyn, - dedi Toqaev.
