26 اقپاندا قارجىلىق مونيتورينگ اگەنتتىگى كەڭ اۋقىمدى وپەراسيا جۇرگىزىپ، تۇتىنۋشىلىق كووپەراتيۆ رەتىندە جاسىرىلعان «Buyers Union» قارجى پيراميداسىنىڭ قىزمەتىن توقتاتتى، – دەپ حابارلايدى Dalanews.kz.

قىلمىستىق سحەما تۋرالى

سالىمشىلاردى جىلجىمايتىن مۇلىك، كولىك ساتىپ الۋعا جانە Trade in جانە ReFinance باعدارلامالارىنا قاتىسىپ ينۆەستيسيا سالۋعا ۇگىتتەگەن.

سونىمەن قاتار، كووپەراتيۆ جەكە تۇلعالاردىڭ قاراجاتىن تارتۋدان ديۆيدەندتەر الۋ مۇمكىندىگىمەن مەنەدجەر بولىپ جۇمىس ىستەۋگە مۇمكىندىك بەرگەن. كووپەراتيۆكە قاتىسۋدىڭ مىندەتتى شارتتارىنىڭ ءبىرى ءومىردى ساقتاندىرۋ ءۇشىن اي سايىن 30 مىڭ تەڭگە تولەۋ جانە ساتىپ الىناتىن مۇلىكتىڭ قۇنىنان 10%-دىق جارنا تولەۋ بولعان.

ماڭىزدىسى، كووپەراتيۆ سالىمشىلارعا اقشا العانى تۋرالى ەشقانداي قۇجاتتاردى ۇسىنباعان، ال سالىم سوماسى تەك پايدالانۋشىلاردىڭ جەكە كابينەتىندە كورسەتىلگەن.

ناتيجەسىندە، پيراميداعا 250-دەن استام سالىمشى تارتىلىپ، 300 ملن تەڭگەدەن استام قاراجات سالعان. پيراميدا ۇيىمداستىرۋشىسى ەكى ايعا قاماۋعا الىندى.

سوتالدى تەرگەۋ جالعاسىپ جاتىر.

بۇعان دەيىنگى وقيعا

ايتا كەتەيىك، بۇعان دەيىن قما باس پروكۋراتۋرانىڭ ۇيلەستىرۋىمەن «Asar Baspana» قارجى پيراميداسىنىڭ قىزمەتىن توقتاتتى.

ول تۇتىنۋشىلىق كووپەراتيۆ رەتىندە جاسىرىنىپ جۇمىس ىستەگەن.

2025 جىلعى 9 اقپاندا 49 كەڭسەدە جانە 81 كۇدىكتىنىڭ تۇرعىلىقتى جەرىندە ءتىنتۋ جۇرگىزىلدى.

ونىڭ ناتيجەسىندە 1،1 ملرد تەڭگە، Toyota Land Cruiser 300 جانە Lexus 570 سياقتى 10 پرەميۋم-كلاسستاعى اۆتوكولىكتەر تاركىلەندى، ولار تۋعانبايەۆ پەن ونىڭ جاقىندارىنا راسىمدەلگەن.

سونىمەن قاتار، اقتاۋ قالاسىندا تۋعانبايەۆ ن.م.-نىڭ باۋىرىنىڭ ۇيىنەن كووپەراتيۆتىڭ ەسەپشوتتارىندا بولۋى ءتيىس 945 ملن تەڭگە قولما-قول اقشا تابىلدى.

1،2 ملرد تەڭگەدەن استام سوماعا شوتتار بۇعاتتالىپ، تىيىم سالىنعان.

2025 جىلعى 11 اقپاندا تۋعانبايەۆ ن.م. مەن بايتاسوۆ ن-عا قاتىستى 2 ايعا قاماۋعا الۋ تۇرىندەگى بۇلتارتپاۋ شاراسى قابىلداندى.