26 aqpanda Qarjylyq monitoring agenttigi keń aýqymdy operatsiia júrgizip, tutynýshylyq kooperativ retinde jasyrylǵan «Buyers Union» qarjy piramidasynyń qyzmetin toqtatty, – dep habarlaidy Dalanews.kz.
Qylmystyq shema týraly
Salymshylardy jyljymaityn múlik, kólik satyp alýǵa jáne Trade in jáne ReFinance baǵdarlamalaryna qatysyp investitsiia salýǵa úgittegen.
Sonymen qatar, kooperativ jeke tulǵalardyń qarajatyn tartýdan dividendter alý múmkindigimen menedjer bolyp jumys isteýge múmkindik bergen. Kooperativke qatysýdyń mindetti sharttarynyń biri ómirdi saqtandyrý úshin ai saiyn 30 myń teńge tóleý jáne satyp alynatyn múliktiń qunynan 10%-dyq jarna tóleý bolǵan.
Mańyzdysy, kooperativ salymshylarǵa aqsha alǵany týraly eshqandai qujattardy usynbaǵan, al salym somasy tek paidalanýshylardyń jeke kabinetinde kórsetilgen.
Nátijesinde, piramidaǵa 250-den astam salymshy tartylyp, 300 mln teńgeden astam qarajat salǵan. Piramida uiymdastyrýshysy eki aiǵa qamaýǵa alyndy.
Sotaldy tergeý jalǵasyp jatyr.
Buǵan deiingi oqiǵa
Aita keteiik, buǵan deiin QMA Bas prokýratýranyń úilestirýimen «Asar Baspana» qarjy piramidasynyń qyzmetin toqtatty.
Ol tutynýshylyq kooperativ retinde jasyrynyp jumys istegen.
2025 jylǵy 9 aqpanda 49 keńsede jáne 81 kúdiktiniń turǵylyqty jerinde tintý júrgizildi.
Onyń nátijesinde 1,1 mlrd teńge, Toyota Land Cruiser 300 jáne Lexus 570 siiaqty 10 premiým-klasstaǵy avtokólikter tárkilendi, olar Týǵanbaev pen onyń jaqyndaryna rásimdelgen.
Sonymen qatar, Aqtaý qalasynda Týǵanbaev N.M.-nyń baýyrynyń úiinen kooperativtiń esepshottarynda bolýy tiis 945 mln teńge qolma-qol aqsha tabyldy.
1,2 mlrd teńgeden astam somaǵa shottar buǵattalyp, tyiym salynǵan.
2025 jylǵy 11 aqpanda Týǵanbaev N.M. men Baitasov N-ǵa qatysty 2 aiǵa qamaýǵa alý túrindegi bultartpaý sharasy qabyldandy.
