قازاقستاندا سالىق ەسەبٸن ۋاقتىلى تاپسىرماعانى ٷشٸن ايىپپۇل سالۋ تەجٸريبەسٸنەن باس تارتۋ جوسپارلانىپ وتىر. بۇل تۋرالى سالىقتىق ەكٸمشٸلەندٸرۋدٸ جەڭٸلدەتۋ جٶنٸندەگٸ الداعى شارالار جايىندا ايتا وتىرىپ, قارجى مينيسترٸ مەدي تاكيەۆ مەلٸمدەدٸ, دەپ حابارلايدى Dalanews.kz.
ٷكٸمەت وتىرىسى بارىسىندا مينيستر سالىق دەكلاراتسيياسى بەلگٸلەنگەن مەرزٸمدە تاپسىرىلماعان جاعدايدا, ول نٶلدٸك كٶرسەتكٸشتەرمەن تاپسىرىلدى دەپ ەسەپتەلەتٸنٸن اتاپ ٶتتٸ. سونىمەن قاتار سالىق تٶلەۋشٸنٸڭ قوسىمشا ەسەپتٸلٸك تاپسىرىپ, دەرەكتەردٸ دۇرىس ناقتىلاۋ قۇقىعى ساقتالادى.
«فورمالار ازايادى, سالىق ەسەپتٸلٸگٸ دە قىسقارادى. بٸز سالىق ەسەپتٸلٸگٸن جٷيەلٸ تٷردە وڭتايلاندىرىپ كەلەمٸز. سالىق ەسەپتٸلٸگٸ نىساندارىنىڭ سانى جىل سايىن ازايىپ جاتىر. مىسالى, 2009 جىلدان بەرٸ 70-تەن 28-گە دەيٸن قىسقاردى, ياعني 60 پايىزعا ازايدى. (…) ەگەر دەكلاراتسييا تاپسىرىلماسا, ول نٶلدٸك كٶرسەتكٸشتەرمەن تاپسىرىلدى دەپ ەسەپتەلەدٸ, بۇل رەتتە قوسىمشا ەسەپتٸلٸك تاپسىرىپ, دەرەكتەردٸ ناقتىلاۋ قۇقىعى ساقتالادى», - دەدٸ مەدي تاكيەۆ.
قوسىمشا جاڭاشىلدىقتار 2026 جىلدىڭ 1 قاڭتارىنان باستاپ كٷشٸنە ەنەدٸ. مٸندەتتەمەلەرٸنٸڭ سوماسى 1 ملن تەڭگەدەن اسپايتىن سالىق تٶلەۋشٸلەر ٷشٸن مٷلٸك, كٶلٸك جەنە جەر سالىقتارى بويىنشا اعىمداعى تٶلەمدەردٸڭ توقسان سايىنعى ەسەپتەۋلەرٸ الىنىپ تاستالادى.
ونىڭ ورنىنا كەسٸپكەرلەر:
– جىل قورىتىندىسى بويىنشا بٸر عانا دەكلاراتسييا تاپسىرادى;
– سالىقتاردى جىل سوڭىندا تٶلەيدٸ, توقسان سايىنعى ەسەپتٸلٸك بولمايدى.
سالىق قارىزىن ٶندٸرۋدٸڭ جاڭا تەرتٸبٸ
مينيستر سونداي-اق سالىق بەرەشەگٸن مەجبٷرلەپ ٶندٸرۋ تەسٸلدەرٸ قايتا قارالاتىنىن ايتتى. ماقسات – شارالاردىڭ شامادان تىس بولماۋىن قامتاماسىز ەتۋ جەنە از سومالار ٷشٸن ميكرو جەنە شاعىن بيزنەسكە قىسىم كٶرسەتپەۋ.
نەگٸزگٸ ٶزگەرٸس – ەرەكەت ەتۋ باستالاتىن شەكتەردٸڭ ۇلعايۋى. ەندٸ بەرەشەك بولعان جاعدايدا:
– 87 مىڭ تەڭگەگە دەيٸن (20 اەك) – تەك حابارلاما جٸبەرٸلەدٸ, ٶسٸمپۇل ەسەپتەلەدٸ, ٶزگە شارالار قولدانىلمايدى;
– 87 مىڭنان 195 مىڭ تەڭگەگە دەيٸن (20–45 اەك) – ەسكەرتۋ جولدانادى; قارىز ٶتەلمەگەن جاعدايدا شىعىس وپەراتسييالارى بەرەشەك سوماسى شەگٸندە توقتاتىلادى, كەيٸن ينكاسسالىق ٶكٸمدەر قويىلۋى مٷمكٸن;
– 195 مىڭ تەڭگەدەن جوعارى (45 اەك) – قاتاڭ شارالار قولدانىلادى, ونىڭ ٸشٸندە مٷلٸكتٸ تٷگەندەۋ جەنە ساتۋ, سونداي-اق دەبيتورلار ەسەبٸنەن ٶندٸرٸپ الۋ كٶزدەلگەن.
