قازاقستاندا ەڭبەك نارىعىنداعى سۇرانىستىڭ باسىم بٶلٸگٸ بەس نەگٸزگٸ سالادا شوعىرلانعان. ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ مەلٸمەتٸنشە, بۇل سالالار بارلىق بوس جۇمىس ورىندارىنىڭ 66,4 پايىزىن قۇرايدى, دەپ حابارلايدى Dalanews.kz.
ەڭ كٶپ بوس جۇمىس ورنى دەستٷرلٸ تٷردە بٸلٸم بەرۋ سالاسىندا تٸركەلگەن – 33 مىڭنان استام. ودان كەيٸن قىزمەت كٶرسەتۋ سالاسى (11,4 مىڭ), دەنساۋلىق ساقتاۋ جەنە ەلەۋمەتتٸك قىزمەت كٶرسەتۋ (9,7 مىڭ), مەملەكەتتٸك باسقارۋ (7 مىڭ) جەنە ٶڭدەۋ ٶنەركەسٸبٸ (6,9 مىڭ) كەلەدٸ.
جالپى سۇرانىستىڭ جارتىسىنا جۋىعى جۇمىسشى ماماندىقتارعا تيەسٸلٸ – 48,9 مىڭ بوس جۇمىس ورنى نەمەسە 47,6 پايىز. ەڭ كٶپ قاجەت ماماندار قاتارىندا مەدبيكەلەر (1,9 مىڭ), سانيتارلار مەن جٷرگٸزۋشٸلەر (ەرقايسىسى 1,8 مىڭ), سونداي-اق ماتەماتيكا پەنٸ مۇعالٸمدەرٸ (1,7 مىڭ) بار.
2026 جىلدىڭ باسىنان بەرٸ Enbek.kz پلاتفورماسىندا 102,7 مىڭ بوس جۇمىس ورنى جارييالانىپ, 162,4 مىڭ تٷيٸندەمە ورنالاستىرىلعان. ياعني بٸر جۇمىس ورنىنا ورتا ەسەپپەن 1,58 ٷمٸتكەردەن كەلەدٸ. ۆاكانسييالاردىڭ 80 پايىزدان استامى بٸلٸكتٸ ماماندارعا ارنالعان.
ٶڭٸرلەر بويىنشا بوس جۇمىس ورىندارى ەڭ كٶپ استانادا (8,9 مىڭ), تٷركٸستان وبلىسىندا (7,3 مىڭ), قاراعاندى وبلىسىندا (7,1 مىڭ) جەنە الماتىدا (6,9 مىڭ) تٸركەلگەن.
ال جۇمىس ٸزدەۋشٸلەر ەڭ كٶپ تٷركٸستان وبلىسىنان شىققان. جالپى سانى 23 مىڭ تٷيٸندەمە كەلٸپ تٷسكەن. سونداي-اق اتىراۋ (12,2 مىڭ), ماڭعىستاۋ (11,3 مىڭ), قىزىلوردا (10,9 مىڭ) وبلىستارىنىڭ تۇرعىندارى بەلسەندٸلٸك تانىتقان. الماتىدا 10,8 مىڭ, استانادا 10,6 مىڭ تٷيٸندەمە ورنالاستىرىلعان.
جالاقىعا كەلسەك, قاڭتار ايىندا ەڭ جوعارى ەڭبەكاقى بۇرعىلاۋ سۋپەرۆايزەرلەرٸنە (ورتا ەسەپپەن 991 مىڭ تەڭگەدەن), تاۋ-كەن ٶندٸرٸسٸندەگٸ ۋچاسكە باسشىلارىنا (876 مىڭ تەڭگەدەن) جەنە باس گەولوگتارعا (803 مىڭ تەڭگەدەن) ۇسىنىلعان. ال جۇمىس ٸزدەۋشٸلەر اراسىندا ەڭ جوعارى جالاقى كٷتٸمٸ جاڭا ٶنٸمدەردٸ ەزٸرلەۋ جوبالارىنىڭ جەتەكشٸلەرٸندە (1,3 ملن تەڭگە), جەكە سەكتورداعى كوممەرتسييالىق ديرەكتورلاردا (1,2 ملن تەڭگە) جەنە باپتاۋ جەنە سىناق ينجەنەرلەرٸندە (865 مىڭ تەڭگە) بايقالعان.
