قازاقستاندا قۇقىق قورعاۋ ورگاندارى مەن بٸرقاتار مەملەكەتتٸك قۇرىلىمدارداعى باسشىلىق لاۋازىمدارعا ۇسىنىلعان ٷمٸتكەرلەر مٸندەتتٸ تٷردە پوليگرافولوگييالىق زەرتتەۋدەن ٶتەتٸن بولدى. ٷكٸمەتتٸڭ تيٸستٸ قاۋلىسىنا ەنگٸزٸلگەن ٶزگەرٸستەرگە سەيكەس, بۇل تالاپ 2024 جىلى 14 ماۋسىمنان باستاپ كٷشٸنە ەنەدٸ, دەپ حابارلايدى Dalanews.kz.
ەندٸ اتتەستاتتاۋ نەمەسە كونكۋرس اياسىندا جوعارى لاۋازىمعا ۇسىنىلعان:
قۇقىق قورعاۋ ورگاندارىنىڭ;
ازاماتتىق قورعانىس قۇرىلىمدارىنىڭ;
مەملەكەتتٸك فەلدەگەرلٸك قىزمەت ٶكٸلدەرٸ
ارنايى اپپارات ارقىلى فيزيولوگييالىق رەاكتسييالارىن تٸركەيتٸن قۇرىلعىلار كٶمەگٸمەن سۇحبات فورماتىنداعى زەرتتەۋدەن ٶتەدٸ.
پوليگراف تەكسەرٸسٸ مىنا اقپاراتتاردى نەگٸزگە الادى:
قۇقىق قورعاۋ ورگاندارىندا قىزمەت ەتۋگە كەرەعار, جاسىرىن تەرٸس نيەتتەردٸڭ (ەكسترەميستٸك, تەرروريستٸك ۇيىمدار نەمەسە قىلمىستىق توپتارمەن بايلانىس) بار-جوعىن;
ەسٸرتكٸ, پسيحوتروپتىق زاتتارعا نەمەسە پسيحيكالىق-فيزيكالىق تەۋەلدٸلٸك تۋدىراتىن ٶزگە دە زاتتارعا تەۋەلدٸلٸگٸن;
قىزمەتكە كەدەرگٸ كەلتٸرەتٸن اۋرۋلاردى, سۋيتسيدكە بەيٸمدٸلٸكتٸ جاسىرۋ جاعدايلارىن;
تابىس, مٷلٸك, مٷلٸكتٸك مٸندەتتەمەلەر تۋرالى مەلٸمەتتەردٸ جاسىرۋ, قوس ازاماتتىقتى بولۋ نەمەسە جالعان قۇجاتتاردى قولدانۋ فاكتٸلەرٸن;
قۇپييا نەمەسە قىزمەتتٸك اقپاراتتى بٶگدە ادامدارعا بەرۋ جاعدايلارىن;
بۇعان دەيٸن سىبايلاس جەمقورلىق بويىنشا قىلمىستىق جاۋاپكەرشٸلٸككە تارتىلعان فاكتٸلەردٸ;
تىيىم سالىنعان ۇيىمدارمەن, قىلمىستىق نەمەسە تەرروريستٸك قۇرىلىمدارمەن بايلانىستاردى, كوممەرتسييالىق ۇيىمداردا قىزمەت ەتۋ تەجٸريبەسٸن (ەگەر بۇل ونىڭ لاۋازىمدىق مٸندەتٸنە كٸرمەگەن بولسا);
لاۋازىمدىق ٶكٸلەتتٸكتەرٸن تەرٸس پايدالانۋ فاكتٸلەرٸن.
سونىمەن قاتار تەكسەرۋ كەزٸندە قويىلاتىن سۇراقتار تٸزٸمٸ قىزمەتكەردٸڭ اتقاراتىن مٸندەتٸنە بايلانىستى كەڭەيتٸلۋٸ مٷمكٸن.
پوليگراف زەرتتەۋٸنٸڭ قورىتىندىسى ٷش جىل بويى جارامدى بولادى.
