Qazaqstanda quqyq qorǵaý organdary men birqatar memlekettik qurylymdardaǵy basshylyq laýazymdarǵa usynylǵan úmitkerler mindetti túrde poligrafologiialyq zertteýden ótetin boldy. Úkimettiń tiisti qaýlysyna engizilgen ózgeristerge sáikes, bul talap 2024 jyly 14 maýsymnan bastap kúshine enedi, dep habarlaidy Dalanews.kz.
Endi attestattaý nemese konkýrs aiasynda joǵary laýazymǵa usynylǵan:
quqyq qorǵaý organdarynyń;
azamattyq qorǵanys qurylymdarynyń;
memlekettik feldegerlik qyzmet ókilderi
arnaiy apparat arqyly fiziologiialyq reaktsiialaryn tirkeitin qurylǵylar kómegimen suhbat formatyndaǵy zertteýden ótedi.
Poligraf tekserisi myna aqparattardy negizge alady:
quqyq qorǵaý organdarynda qyzmet etýge kereǵar, jasyryn teris nietterdiń (ekstremistik, terroristik uiymdar nemese qylmystyq toptarmen bailanys) bar-joǵyn;
esirtki, psihotroptyq zattarǵa nemese psihikalyq-fizikalyq táýeldilik týdyratyn ózge de zattarǵa táýeldiligin;
qyzmetke kedergi keltiretin aýrýlardy, sýitsidke beiimdilikti jasyrý jaǵdailaryn;
tabys, múlik, múliktik mindettemeler týraly málimetterdi jasyrý, qos azamattyqty bolý nemese jalǵan qujattardy qoldaný faktilerin;
qupiia nemese qyzmettik aqparatty bógde adamdarǵa berý jaǵdailaryn;
buǵan deiin sybailas jemqorlyq boiynsha qylmystyq jaýapkershilikke tartylǵan faktilerdi;
tyiym salynǵan uiymdarmen, qylmystyq nemese terroristik qurylymdarmen bailanystardy, kommertsiialyq uiymdarda qyzmet etý tájiribesin (eger bul onyń laýazymdyq mindetine kirmegen bolsa);
laýazymdyq ókilettikterin teris paidalaný faktilerin.
Sonymen qatar tekserý kezinde qoiylatyn suraqtar tizimi qyzmetkerdiń atqaratyn mindetine bailanysty keńeitilýi múmkin.
Poligraf zertteýiniń qorytyndysy úsh jyl boiy jaramdy bolady.
