قازاقستاندا كيٸك سانىن رەتتەۋ شارالارى 2026 جىلى قايتا باستالۋى مٷمكٸن. بۇل مەسەلە سوڭعى ۋاقىتتا جانۋارلاردىڭ جاپپاي قىرىلۋى تۋرالى مەلٸمەتتەردٸڭ كٶبەيۋٸ اياسىندا قايتا كٶتەرٸلٸپ وتىر., دەپ حابارلايدى dalanews.kz.
جول بويىنان جٷزگە جۋىق كيٸك ٶلەكسەسٸ تابىلعان
«اۆالون» تاريحي-گەوگرافييالىق قوعامىنىڭ مٷشەلەرٸ 21 ماۋسىم كٷنٸ قاراعاندى وبلىسىنداعى سونالى, الاكٶل, توپاركٶل جەنە امانتاۋ باعىتىندا ەكسپەديتسيياعا شىققان. ولاردىڭ ايتۋىنشا, توپاركٶل مەن امانتاۋ اۋىلدارىنىڭ اراسىنداعى 40 شاقىرىمعا جەتپەيتٸن جول بويىنان جٷزگە جۋىق كيٸكتٸڭ ٶلەكسەسٸ تابىلعان. ەكسپەديتسييا مٷشەلەرٸ بۇعان دەيٸن كيٸكتەردٸڭ جاپپاي قىرىلۋى تۋرالى تەك ەستٸپ كەلگەندەرٸن, ال بۇل جولى ونى ٶز كٶزدەرٸمەن كٶرگەندەرٸن ايتتى.
كيٸك سانى نەگە ٶزگەرمەيدٸ?
بۇعان دەيٸن ەكولوگييا مينيسترلٸگٸ قازاقستانداعى كيٸك سانى شامامەن 5 ميلليون باسقا جەتكەنٸن حابارلاعان بولاتىن. وسىعان بايلانىستى 2026 جىلى جانۋارلار سانىن رەتتەۋ مەسەلەسٸ قايتا قارالۋى مٷمكٸن ەكەنٸ ايتىلدى.
الايدا باسىلىمنىڭ مەلٸمەتٸنشە, دەل وسى كٶرسەتكٸش 2025 جىلدىڭ مامىر ايىندا دا جارييالانعان. سول كەزدە ەكولوگييا ۆيتسە-مينيسترٸ نۇركەن شەربيەۆ كيٸك سانى 5 ميلليون باسقا جەتەدٸ دەپ بولجام جاساعان. سودان بەرٸ بٸر جىلدان استام ۋاقىت ٶتسە دە, رەسمي دەرەكتەردەگٸ كٶرسەتكٸش ٶزگەرمەگەن.
جاپپاي قىرىلۋ مەن براكونەرلٸك قايدا ەسەپكە الىنادى?
اۆتورلار كيٸك سانىنا ەسەر ەتەتٸن تابيعي فاكتورلار تۋرالى سۇراق كٶتەرەدٸ. اتاپ ايتقاندا, براكونەرلٸك, تٷرلٸ اۋرۋلار جەنە جانۋارلاردىڭ جاپپاي قىرىلۋى پوپۋلياتسيياعا ەسەر ەتۋٸ تيٸس ەكەنٸن العا تارتادى. ٶڭٸرلەردەن بەلگٸسٸز اۋرۋدىڭ كيٸكتەر اراسىندا ەلٸ دە تارالىپ جاتقانى تۋرالى مەلٸمەتتەر تٷسٸپ جاتقانىن دا اتاپ ٶتەدٸ.
سونداي-اق جول بويىندا جەنە دالادا ٶلٸ كيٸكتەردٸ جيٸ كەزدەستٸرەتٸن ماماندار مەن تۇرعىنداردىڭ كۋەلٸكتەرٸ دە نازار اۋدارۋعا تۇرارلىق دەگەن پٸكٸر ايتىلادى.
بيىل 26 مىڭ كيٸك ٶلگەن
ەكولوگييا مينيسترلٸگٸنٸڭ دەرەگٸنە سەيكەس, تٶلدەۋ ماۋسىمىنا دەيٸن ەلدە شامامەن 4 ميلليون كيٸك بولعان. سول كەزەڭدە 26 مىڭعا جۋىق جانۋاردىڭ قىرىلعانى تٸركەلگەن. ۆەدومستۆو مۇنى ماۋسىمدىق جەنە تابيعي قۇبىلىس دەپ تٷسٸندٸرەدٸ.
الايدا ماقالا اۆتورلارى كيٸك سانى تۋرالى رەسمي كٶرسەتكٸشتەردٸڭ ٶزگەرمەۋٸ سۇراق تۋعىزاتىنىن ايتادى. ولاردىڭ پٸكٸرٸنشە, ەگەر ٶلٸم-جٸتٸم, اۋرۋلار مەن براكونەرلٸك فاكتٸلەرٸ ەسكەرٸلسە, پوپۋلياتسييا سانىنىڭ ٶزگەرٸسسٸز قالۋى كٷمەن تۋدىرادى.
كيٸكتەردٸ رەتتەۋ مەسەلەسٸ قايتا كٷن تەرتٸبٸنە شىعۋى مٷمكٸن
بۇعان دەيٸن كيٸكتەر ەگٸستٸك القاپتارىنا زييان كەلتٸرٸپ جاتىر دەگەن ۋەج جيٸ ايتىلاتىن. الايدا بيىل باتىس قازاقستان وبلىسىندا فەرمەرلەردٸڭ نەگٸزگٸ مەسەلەسٸ كيٸك ەمەس, مال اراسىنداعى ٸندەت بولىپ وتىرعانى اتاپ ٶتٸلەدٸ.
سونىمەن قاتار كيٸك مٷيٸزدەرٸن ەكسپورتتاۋعا قاتىستى حالىقارالىق رۇقساتتار مەسەلەسٸ دە تالقىلانىپ جاتىر. وسىعان بايلانىستى كيٸك سانىن رەتتەۋ باستاماسىنىڭ سەبەپتەرٸ مەن قاجەتتٸلٸگٸنە قاتىستى سۇراقتار قايتادان قوعامدىق تالقىلاۋدىڭ ٶزەگٸنە اينالۋى مٷمكٸن.
