ۇلتتىق ستاتيستيكا بيۋروسى قازاقستانداعى جۇمىسپەن قامتىلعانداردىڭ ستاتيستيكاسىن جاسادى، دەپ حابارلايدى Dalanews.kz.
بيۋرو مالىمەتىنشە، 2024 جىلعى III توقساندا ءارتۇرلى سالالاردا 9 233،8 مىڭ ادام جۇمىسپەن قامتىلدى، ولاردىڭ 7 020،1 مىڭى (جۇمىسپەن قامتىلعانداردىڭ جالپى سانىنان 76%) جالدامالى قىزمەتكەر بولسا، 2 213،7 مىڭ ادام (جۇمىسپەن قامتىلعانداردىڭ جالپى سانىنان 24%) – ءوزىن-وزى جۇمىسپەن قامتىعاندار. 15 جانە ودان جوعارى جاستاعى حالىققا شاققانداعى جۇمىسپەن قامتۋ دەڭگەيى 65،2% قۇرادى.
قازاقستانداعى حالىقارالىق ەڭبەك ۇيىمىنىڭ ادىستەمەسى بويىنشا جۇمىسسىزدىق دەڭگەيى 4،6% قۇرادى. 15-34 جاستاعى جاستار اراسىنداعى جۇمىسسىزدىق دەڭگەيى 3،1% قۇرادى.
ەڭبەك جانە حالىقتى الەۋمەتتىك قورعاۋ مينيسترلىگىنىڭ جۇمىسپەن قامتۋ ورگاندارىندا 2024 جىلعى قازان ايىنىڭ سوڭىنا 298،9 مىڭ جۇمىسسىز رەسمي تىركەلگەن. تىركەلگەن جۇمىسسىزداردىڭ ۇلەسى جۇمىس كۇشىنىڭ 3،1%-ىن قۇرادى، - دەلىنگەن مالىمەتتە.
