Ulttyq statistika biýrosy Qazaqstandaǵy jumyspen qamtylǵandardyń statistikasyn jasady, dep habarlaidy Dalanews.kz.
Biýro málimetinshe, 2024 jylǵy III toqsanda ártúrli salalarda 9 233,8 myń adam jumyspen qamtyldy, olardyń 7 020,1 myńy (jumyspen qamtylǵandardyń jalpy sanynan 76%) jaldamaly qyzmetker bolsa, 2 213,7 myń adam (jumyspen qamtylǵandardyń jalpy sanynan 24%) – ózin-ózi jumyspen qamtyǵandar. 15 jáne odan joǵary jastaǵy halyqqa shaqqandaǵy jumyspen qamtý deńgeii 65,2% qurady.
Qazaqstandaǵy Halyqaralyq eńbek uiymynyń ádistemesi boiynsha jumyssyzdyq deńgeii 4,6% qurady. 15-34 jastaǵy jastar arasyndaǵy jumyssyzdyq deńgeii 3,1% qurady.
Eńbek jáne halyqty áleýmettik qorǵaý ministrliginiń jumyspen qamtý organdarynda 2024 jylǵy qazan aiynyń sońyna 298,9 myń jumyssyz resmi tirkelgen. Tirkelgen jumyssyzdardyń úlesi jumys kúshiniń 3,1%-yn qurady, - delingen málimette.
