ٸشكٸ ٸستەر مينيسترلٸگٸ ەسٸرتكٸگە قاتىستى ەكٸ قۇقىقبۇزۋشىلىقتى قىلمىستىق ساناتتان ەكٸمشٸلٸك جاۋاپكەرشٸلٸككە اۋىستىرۋدى ۇسىندى. تيٸستٸ زاڭ جوباسى "اشىق نقا" پورتالىندا جارييالاندى, دەپ حابارلايدى dalanews.kz.
ۇسىنىس بويىنشا ەسٸرتكٸنٸ ٶتكٸزۋدٸ ماقسات ەتپەي, زاڭسىز ساتىپ الۋ, ساقتاۋ نەمەسە تاسىمالداۋ ٷشٸن قىلمىستىق ەمەس, ەكٸمشٸلٸك جاۋاپكەرشٸلٸك قاراستىرىلادى. مۇنداي ەرەكەتكە 30 اەك ايىپپۇل نەمەسە 10 تەۋلٸككە دەيٸن قاماۋ جازاسى ۇسىنىلىپ وتىر.
ەسٸرتكٸنٸ زاڭسىز دايىنداعانى نەمەسە ٶڭدەگەنٸ ٷشٸن 40 اەك ايىپپۇل نە 15 تەۋلٸككە دەيٸن قاماۋ كٶزدەلگەن. بٸر جىل ٸشٸندە قايتالانسا, جازا 50 اەك ايىپپۇلعا نەمەسە 20 تەۋلٸككە دەيٸن قاماۋعا دەيٸن كٷشەيتٸلەدٸ.
ەسٸرتكٸنٸ قوعامدىق ورىنداردا مەديتسينالىق ماقساتسىز قولدانۋ دا ەكٸمشٸلٸك جاۋاپكەرشٸلٸككە اۋىستىرىلماق. بۇل جاعدايدا 40 اەك ايىپپۇل نەمەسە 10 تەۋلٸككە دەيٸن قاماۋ ۇسىنىلعان.
مينيسترلٸك ٶكٸلدەرٸ بۇل ٶزگەرٸستەر ەسٸرتكٸنٸ زاڭداستىرۋ دەگەن سٶز ەمەس ەكەنٸن اتاپ ٶتتٸ. ەسٸرتكٸنٸ ٶتكٸزۋ ماقساتىندا ساقتاعانى نەمەسە تاسىمالداعانى ٷشٸن قىلمىستىق جاۋاپكەرشٸلٸك ساقتالادى.
ۆەدومستۆو پٸكٸرٸنشە, قىلمىستىق جاۋاپكەرشٸلٸكتٸ قولدانۋدى ازايتۋ تەرگەۋ مەن سوتقا تٷسەتٸن جٷكتەمەنٸ تٶمەندەتٸپ, ۇساق مٶلشەردە ەسٸرتكٸ ساقتاعان ادامداردىڭ سوتتالۋىن ازايتۋعا مٷمكٸندٸك بەرەدٸ.
