Ishki ister ministrligi esirtkige qatysty eki quqyqbuzýshylyqty qylmystyq sanattan ákimshilik jaýapkershilikke aýystyrýdy usyndy. Tiisti zań jobasy "Ashyq NQA" portalynda jariialandy, dep habarlaidy dalanews.kz.
Usynys boiynsha esirtkini ótkizýdi maqsat etpei, zańsyz satyp alý, saqtaý nemese tasymaldaý úshin qylmystyq emes, ákimshilik jaýapkershilik qarastyrylady. Mundai áreketke 30 AEK aiyppul nemese 10 táýlikke deiin qamaý jazasy usynylyp otyr.
Esirtkini zańsyz daiyndaǵany nemese óńdegeni úshin 40 AEK aiyppul ne 15 táýlikke deiin qamaý kózdelgen. Bir jyl ishinde qaitalansa, jaza 50 AEK aiyppulǵa nemese 20 táýlikke deiin qamaýǵa deiin kúsheitiledi.
Esirtkini qoǵamdyq oryndarda meditsinalyq maqsatsyz qoldaný da ákimshilik jaýapkershilikke aýystyrylmaq. Bul jaǵdaida 40 AEK aiyppul nemese 10 táýlikke deiin qamaý usynylǵan.
Ministrlik ókilderi bul ózgerister esirtkini zańdastyrý degen sóz emes ekenin atap ótti. Esirtkini ótkizý maqsatynda saqtaǵany nemese tasymaldaǵany úshin qylmystyq jaýapkershilik saqtalady.
Vedomstvo pikirinshe, qylmystyq jaýapkershilikti qoldanýdy azaitý tergeý men sotqa túsetin júktemeni tómendetip, usaq mólsherde esirtki saqtaǵan adamdardyń sottalýyn azaitýǵa múmkindik beredi.
