سەبەبى، بۇل قالالارعا ەلىمىز بويىنشا تىركەلەتىن كۇندەلىكتى اۋرۋ جۇقتىرۋ جاعدايىنىڭ 65% -ى جانە ءولىم ء-جىتىمنىڭ 55% -ى تيەسىلى.
اتالعان قالالاردا كەلەسى شەكتەۋ شارالارى 2021 جىلدىڭ 2 تامىزىنان باستاپ كۇشىنە ەندى:
- ورتالىق مەملەكەتتىك ورگانداردى، اكىمدىكتەردى، قۇقىق قورعاۋ ورگاندارىن، دەنساۋلىق ساقتاۋ ۇيىمدارىن، بۇقارالىق اقپارات قۇرالدارىن، ازىق -تۇلىك دۇكەندەرىن، ءدارىحانالار مەن تىرشىلىكتى قامتاماسىز ەتەتىن ۇيىمداردى قوسپاعاندا، Ashyq جوباسىنا قاتىسپايتىن بارلىق كاسىپورىندار مەن ۇيىمداردىڭ قىزمەتىن توقتاتا تۇرۋ؛
- سپورتتىق، وتباسىلىق، مەرەكەلىك جانە باسقا دا بۇقارالىق ءىس -شارالاردى وتكىزۋگە تىيىم سالۋ؛
- مەملەكەتتىك ورگانداردىڭ، كەڭسەلەردىڭ، ۇلتتىق كومپانيالاردىڭ جانە باسقا دا ۇيىمداردىڭ قىزمەتكەرلەرىنىڭ 80%-ىن قاشىقتىقتان جۇمىسقا اۋىستىرۋ (سوڭعى 3 اي ىشىندە ۆاكسينا العان جانە اۋىرىپ، اۋرۋحاناعا جاتىپ شىققانداردى قوسپاعاندا)؛
2 تامىزدان باستاپ: "Ashyq" جۇيەسىنە قوسىلماعان ءبىرقاتار قىزمەتكە رۇقسات ەتىلگەن
ولار:
- قۇرىلىس جۇمىستارى؛
- ونەركاسىپتىك كاسىپورىندار قىزمەتى؛
- كولىك جۋۋ؛
- اۆتوكولىك، تۇرمىستىق تەحنيكا، ساعات، تەلەفون، كومپيۋتەر، اياق كيىم جوندەۋ؛ تىگىن اتەلەسى، كىر جۋاتىن ورىن؛ حيميالىق تازارتۋ؛ كىلت جاساۋ، گۇل ساتاتىن دۇكەندەر، فوتوسالوندار؛
- تۋريستىك كومپانيالاردىڭ قىزمەتى، بيزنەس ورتالىقتارداعى جەكەلەگەن قىزمەت تۇرلەرى: ساقتاندىرۋ كومپانيالارى، ادۆوكات، نوتاريۋس، ەسەپشى مەن كونسالتينگ قىزمەتى، جىلجىمايتىن مۇلىك اگەنتتىگى، سوت ورىنداۋشىلار، ايىرباستاۋ پۋنكتەرى، لومباردتار جانە تاعى باسقا.
قوعامدىق تاماقتانۋ ورىندارى تەك جەتكىزۋ جانە الىپ كەتۋ فورماتىندا ىستەيدى.
الماتىداعى احۋال قانداي؟
قازاقستاندا كوروناۆيرۋس ماتريساسى بويىنشا تاعى ءبىر "قويۋ قىزىل" ايماق پايدا بولدى. ءقازىر الماتى "قويۋ قىزىل" ايماقتا تۇر.
قالانىڭ باس سانيتار دارىگەرى جانداربەك بەكشيننىڭ سوڭعى قاۋلىسىنا سايكەس، Ashyq جوباسىنا قاتىساتىن الەۋمەتتىك-ەكونوميكالىق نىسانداردىڭ قىزمەتىنە وزگەرىس ەنگىزىلدى. مىسالى، قالادا مەيرامحانا، ءدامحانا جانە كوفەحانا سەكىلدى قوعامدىق تاماقتانۋ ورىندارى، الكوگولدىك ىشىمدىكتى ساتپايتىن اسحانالار، جازعى الاڭدار، فۋد-كورتتار ورىن سانىن 50-دەن اسىرماي، تولتىرىلۋىن 50% ەتىپ، تاڭعى جەتىدەن كەشكى ساعات سەگىزگە دەيىن جۇمىس ىستەي الادى.
الايدا بانكەت زالدارىنىڭ قىزمەتىنە تىيىم سالىنعان.
ساۋنا، مونشا، سپا ورتالىقتار، باسسەين، سپورت كەشەندەرى، سپورتتىق-ساۋىقتىرۋ ورتالىقتارى جانە فيتنەس-ورتالىقتار، يوگا-ورتالىقتار، مادەنيەت نىساندارى، تەاتر، كينوتەاتر، كونسەرت زالدارى، فيلورمونيالار ساعات 7.00-دەن 20.00-گە دەيىن جۇمىس ىستەيدى.
وبلىسارالىق، قالالىق تۇراقتى ەمەس تاسىمالدارعا تىيىم سالىندى.
بيليارد، كومپيۋتەرلىك كلۋبتار، بوۋلينگ، كاراوكە 12.00-20.00 اراسىندا جۇمىس ىستەي الادى.
كورمەلەر ءبىر ادامعا التى شارشى مەتردەن كەم ەمەس، ءبىراق ءبىر ۋاقىتتا 150 كەلۋشىدەن اسىرماي، الاڭنىڭ 70%ء-ىن تولتىرماي جۇمىس ىستەيدى.
مارافوندار، ونىڭ ىشىندە اشىق اۋادا دا وتكىزۋگە، سپورت شارالارىنا تىيىم بار. سيركتەر 30%-تەن ارتىق ەمەس ادامدى تولتىرىپ، 10.00-20.00 اراسىندا جۇمىس ىستەيدى.
وتەل، ءقوناقۇي، اۋەجاي، تەمىرجول ۆوكزالى قىزمەتى توقتامايدى. حالىققا قىزمەت كورسەتۋ ورتالىعى 10.00-20.00 اراسىندا جۇمىس ىستەيدى. ساۋدا ويىن-ساۋىق ورىندارى، بازارلار 07.00-17.00 اراسىندا اشىق.
سۇلۋلىق سالوندارىنىڭ قىزمەتىنە بەلگىلى ءبىر شەكتەۋلەرمەن ءىشىنارا رۇقسات بەرىلگەن.
قالادا قوعامدىق كولىك توقتامايدى.
ايتا كەتەرى، Ashyq جوباسىنا قوسىلعاندار نىسانداردىڭ ءوزى سەنبى-جەكسەنبى قىزمەتىن توقتاتادى.
سونداي-اق الماتىمەن ىرگەلەس جاتقان الماتى وبلىسىنىڭ قاراساي، تالعار، ىلە مەن ەڭبەكشىقازاق اۋداندارىندا دا كارانتين كۇشەيەدى.
نۇر-سۇلتاندا قانداي شەكتەۋلەر ەنگىزىلەدى؟
ەلوردادا سەنبى جانە جەكسەنبى كۇندەرى قوعامدىق كولىكتىڭ جۇمىس ىستەۋىنە تىيىم سالىنادى. Ashyq جوباسىنا قاتىساتىن ساۋدا جانە ويىن-ساۋىق ورتالىقتارى مەن ساۋدا ۇيلەرى تەك جۇمىس كۇندەرى ساعات 7.00 -دەن 20.00 -گە دەيىن جۇمىس ىستەيدى.
قالا تۇرعىندارى ەكىنشى تامىزدان باستاپ اشىق اۋادا سپورتپەن شۇعىلدانۋ كەزىندە، ونىڭ ىشىندە 5 جاسقا دەيىنگى بالالاردى قوسپاعاندا بەتپەردە تاعىپ، الەۋمەتتىك اراقاشىقتىقتى ساقتاۋ تۋرالى تالاپتاردى ساقتاۋى قاجەت.
2 مەتردەن كەم ەمەس الەۋمەتتىك اراقاشىقتىقتى ساقتاپ، جەكە تارتىپپەن جانە 5 ادامنان اسپايتىن توپ بولىپ اشىق اۋادا سپورتتىق جاتتىعۋلار وتكىزۋگە رۇقسات بەرىلگەن.
قىزمەت كورسەتۋ جونىندەگى وبەكتىلەر، "قازپوشتا" اق بولىمشەلەرى، ەكىنشى دەڭگەيدەگى بانكتەر، قارجى نارىعىنىڭ وبەكتىلەرى، ساقتاندىرۋ كومپانيالارى، جىلجىمايتىن مۇلىك جونىندەگى اگەنتتىكتەر، جارناما اگەنتتىكتەرى، ايىرباستاۋ پۋنكتتەرى جانە مەملەكەتتىك ورگاندار مەن ۇيىمدار، وندىرىستىك وبەكتىلەر، قۇرىلىس وبەكتىلەرى، مادەنيەت جانە دەمالىس وبەكتىلەرى، حالىقتىڭ تۇرۋى بويىنشا قىزمەت كورسەتۋ سالاسىنداعى وبەكتىلەر، جولاۋشىلار تاسىمالىن جۇزەگە اسىراتىن ۇيىمدار، اۋەجايلار، تەمىرجول، اۆتوموبيل جانە سۋ ۆوكزالدارى، وزەن جانە تەڭىز پورتتارى، اۆتوستانسيالار/اۆتووتپە جولدار، جولاۋشىلارعا قىزمەت كورسەتۋ پۋنكتتەرى، ەكسكۋرسيالىق قىزمەت كورسەتەتىن ۇيىمدار جانە باسقا دا ۇيىمدار COVID-19-عا قارسى ۆاكسينا الماعان (تۇراقتى مەديسينالىق قارسى كورسەتىلىمى بار جانە سوڭعى 3 اي ىشىندە COVID-19-بەن اۋىرىپ جازىلعان ادامداردى قوسپاعاندا) قىزمەتكەرلەرى ءۇشىن كۇندىزگى رەجيمدە جۇمىسقا جىبەرىلۋىن شەكتەيدى.
"Ashyq" جوباسىنا قاتىساتىن حقكو Egov.kz، تەلەگرامم-بوت EgovKZBot 2.0 ارقىلى الدىن الا برونداۋ بويىنشا جۇمىس كۇندەرى ساعات 07:00-دەن 20:00-گە دەيىن جۇمىس ىستەيدى. سەنبى جانە جەكسەنبى كۇندەرى جابىق بولادى.
"قازپوشتا" اق جۇمىس كەستەسى جۇمىس كۇندەرى ساعات 09:00-دەن 18:00-گە دەيىن اشىق بولادى، سەنبى جانە جەكسەنبى كۇندەرى جابىلادى.
جەكە مەديسينالىق ورتالىقتار، كلينيكالا، ستوماتولوگيالار جۇمىس جانە دەمالىس كۇندەرى ساعات 08:00-دەن 20:00-گە دەيىن اشىق بولادى.
تالاپكەرلەردىڭ جوعارى وقۋ ورىندارى مەن كوللەدجدەرگە ءتۇسۋى ءۇشىن قۇجاتتاردى قابىلداۋدى قاشىقتان جۇرگىزىلەدى.
سونداي-اق نۇر-سۇلتان قالاسىمەن ىرگەلەس جاتقان اقمولا وبلىسىنىڭ بۋراباي، سەلينوگراد جانە ارشالى اۋداندارىندا دا كارانتين كۇشەيەدى.
شىمكەنت: مەكتەپكە دەيىنگى مەكەمەلەر جۇمىسىنا تىيىم سالىنادى
شىمكەنت قالاسىنىڭ باس سانيتار دارىگەرىنىڭ قاۋلىسىنا سايكەس، 2 تامىزدان باستاپ قالادا سۇلۋلىق سالونى، شاشتاراز، كوسمەتولوگيالىق قىزمەت كورسەتەتىن ورىندار Ashyq جۇيەسىنە تىركەلگەن بولسا، 09:00-20:00 ارالىعىندا جۇمىس ىستەيدى. الايدا سەنبى-جەكسەنبى كۇندەرى جابىق بولادى.
ازىق-تۇلىك دۇكەندەرى، سۋپەرماركەتتەر قالىپتى رەجيمدە جۇمىس ىستەيدى. ازىق-تۇلىك ساتپايتىن دۇكەندەر تەك جەتكىزۋ ارقىلى قىزمەت كورسەتەدى.
مەديسينالىق ورتالىقتار، ستوماتولوگيا الدىن الا جازىلۋ بويىنشا قالىپتى رەجيمدە جۇمىس ىستەيدى. قوعامدىق كولىك جۇمىس كۇندەرى قالىپتى رەجيمدە قاتىنايدى، دەمالىس كۇندەرى جۇرمەيدى.
بانك، حقكو، قازپوشتا بولىمشەلەرى "Ashyq" جۇيەسىندە بولسا، 09:00-18:00 اراسىندا قىزمەت ەتەدى. دەمالىس كۇندەرى جۇمىس ىستەمەيدى. مەكتەپكە دەيىنگى مەكەمەلەر جۇمىسىنا تىيىم سالىنعان.
...
قاۋلى 2 تامىز – 16 تامىز ارالىعىندا كۇشىندە بولادى.
سونىمەن قاتار، ۆاك اقمولا، الماتى، قاراعاندى وبلىستارىندا نۇر-سۇلتانمەن (بۋراباي، سەلينوگراد، ارشالى اۋداندارى)، الماتىمەن (قاراساي، تالعار، ىلە، ەڭبەكشىقازاق اۋداندارى)، شىمكەنتپەن (سايرام، تولەبي اۋداندارى)، قاراعاندى قالاسىمەن (تەمىرتاۋ، شاحتينسك، اباي) شەكتەسەتىن شەكارالاس ايماقتاردا كارانتيندىك شارالاردى كۇشەيتۋ شارالارىن قابىلداۋ تۋرالى ۇيعارىم شىعاردى.
وبلىستىق اكىمدىكتەرگە وسى شەكتەۋلەردى ەنگىزۋ جانە ولاردىڭ ساقتالۋىن باقىلاۋ بويىنشا بارلىق شارالاردى قابىلداۋ تاپسىرىلدى.
سونداي-اق، باس مەملەكەتتىك سانيتارلىق دارىگەردىڭ 14 شىلدەدەگى قاۋلىسىنا سايكەس، 10 تامىزعا دەيىن قىزمەت كورسەتۋ سالاسىنىڭ بارلىق جۇمىسشىلارى COVID-19 ۆاكسيناسىنىڭ ءبىرىنشى كومپونەنتىن الۋى ءتيىس.
