Sebebi, bul qalalarǵa elimiz boiynsha tirkeletin kúndelikti aýrý juqtyrý jaǵdaiynyń 65% -y jáne ólim -jitimniń 55% -y tiesili.
Atalǵan qalalarda kelesi shekteý sharalary 2021 jyldyń 2 tamyzynan bastap kúshine endi:
- ortalyq memlekettik organdardy, ákimdikterdi, quqyq qorǵaý organdaryn, densaýlyq saqtaý uiymdaryn, buqaralyq aqparat quraldaryn, azyq -túlik dúkenderin, dárihanalar men tirshilikti qamtamasyz etetin uiymdardy qospaǵanda, Ashyq jobasyna qatyspaityn barlyq kásiporyndar men uiymdardyń qyzmetin toqtata turý;
- sporttyq, otbasylyq, merekelik jáne basqa da buqaralyq is -sharalardy ótkizýge tyiym salý;
- memlekettik organdardyń, keńselerdiń, ulttyq kompaniialardyń jáne basqa da uiymdardyń qyzmetkerleriniń 80%-yn qashyqtyqtan jumysqa aýystyrý (sońǵy 3 ai ishinde vaktsina alǵan jáne aýyryp, aýrýhanaǵa jatyp shyqqandardy qospaǵanda);
2 tamyzdan bastap: "Ashyq" júiesine qosylmaǵan birqatar qyzmetke ruqsat etilgen
Olar:
- qurylys jumystary;
- ónerkásiptik kásiporyndar qyzmeti;
- kólik jýý;
- avtokólik, turmystyq tehnika, saǵat, telefon, kompiýter, aiaq kiim jóndeý; tigin atelesi, kir jýatyn oryn; himiialyq tazartý; kilt jasaý, gúl satatyn dúkender, fotosalondar;
- týristik kompaniialardyń qyzmeti, biznes ortalyqtardaǵy jekelegen qyzmet túrleri: saqtandyrý kompaniialary, advokat, notariýs, esepshi men konsalting qyzmeti, jyljymaityn múlik agenttigi, sot oryndaýshylar, aiyrbastaý pýnkteri, lombardtar jáne taǵy basqa.
Qoǵamdyq tamaqtaný oryndary tek jetkizý jáne alyp ketý formatynda isteidi.
Almatydaǵy ahýal qandai?
Qazaqstanda koronavirýs matritsasy boiynsha taǵy bir "qoiý qyzyl" aimaq paida boldy. Qazir Almaty "qoiý qyzyl" aimaqta tur.
Qalanyń bas sanitar dárigeri Jandarbek Bekshinniń sońǵy qaýlysyna sáikes, Ashyq jobasyna qatysatyn áleýmettik-ekonomikalyq nysandardyń qyzmetine ózgeris engizildi. Mysaly, qalada meiramhana, dámhana jáne kofehana sekildi qoǵamdyq tamaqtaný oryndary, alkogoldik ishimdikti satpaityn ashanalar, jazǵy alańdar, fýd-korttar oryn sanyn 50-den asyrmai, toltyrylýyn 50% etip, tańǵy jetiden keshki saǵat segizge deiin jumys istei alady.
Alaida banket zaldarynyń qyzmetine tyiym salynǵan.
Saýna, monsha, spa ortalyqtar, bassein, sport keshenderi, sporttyq-saýyqtyrý ortalyqtary jáne fitnes-ortalyqtar, ioga-ortalyqtar, mádeniet nysandary, teatr, kinoteatr, kontsert zaldary, filormoniialar saǵat 7.00-den 20.00-ge deiin jumys isteidi.
Oblysaralyq, qalalyq turaqty emes tasymaldarǵa tyiym salyndy.
Biliard, kompiýterlik klýbtar, boýling, karaoke 12.00-20.00 arasynda jumys istei alady.
Kórmeler bir adamǵa alty sharshy metrden kem emes, biraq bir ýaqytta 150 kelýshiden asyrmai, alańnyń 70%-in toltyrmai jumys isteidi.
Marafondar, onyń ishinde ashyq aýada da ótkizýge, sport sharalaryna tyiym bar. Tsirkter 30%-ten artyq emes adamdy toltyryp, 10.00-20.00 arasynda jumys isteidi.
Otel, qonaqúi, áýejai, temirjol vokzaly qyzmeti toqtamaidy. Halyqqa qyzmet kórsetý ortalyǵy 10.00-20.00 arasynda jumys isteidi. Saýda oiyn-saýyq oryndary, bazarlar 07.00-17.00 arasynda ashyq.
Sulýlyq salondarynyń qyzmetine belgili bir shekteýlermen ishinara ruqsat berilgen.
Qalada qoǵamdyq kólik toqtamaidy.
Aita keteri, Ashyq jobasyna qosylǵandar nysandardyń ózi senbi-jeksenbi qyzmetin toqtatady.
Sondai-aq Almatymen irgeles jatqan Almaty oblysynyń Qarasai, Talǵar, Ile men Eńbekshiqazaq aýdandarynda da karantin kúsheiedi.
Nur-Sultanda qandai shekteýler engiziledi?
Elordada senbi jáne jeksenbi kúnderi qoǵamdyq kóliktiń jumys isteýine tyiym salynady. Ashyq jobasyna qatysatyn saýda jáne oiyn-saýyq ortalyqtary men saýda úileri tek jumys kúnderi saǵat 7.00 -den 20.00 -ge deiin jumys isteidi.
Qala turǵyndary ekinshi tamyzdan bastap ashyq aýada sportpen shuǵyldaný kezinde, onyń ishinde 5 jasqa deiingi balalardy qospaǵanda betperde taǵyp, áleýmettik araqashyqtyqty saqtaý týraly talaptardy saqtaýy qajet.
2 metrden kem emes áleýmettik araqashyqtyqty saqtap, jeke tártippen jáne 5 adamnan aspaityn top bolyp ashyq aýada sporttyq jattyǵýlar ótkizýge ruqsat berilgen.
Qyzmet kórsetý jónindegi obektiler, "Qazposhta" AQ bólimsheleri, ekinshi deńgeidegi bankter, qarjy naryǵynyń obektileri, saqtandyrý kompaniialary, jyljymaityn múlik jónindegi agenttikter, jarnama agenttikteri, aiyrbastaý pýnktteri jáne memlekettik organdar men uiymdar, óndiristik obektiler, qurylys obektileri, mádeniet jáne demalys obektileri, halyqtyń turýy boiynsha qyzmet kórsetý salasyndaǵy obektiler, jolaýshylar tasymalyn júzege asyratyn uiymdar, áýejailar, temirjol, avtomobil jáne sý vokzaldary, ózen jáne teńiz porttary, avtostantsiialar/avtoótpe joldar, jolaýshylarǵa qyzmet kórsetý pýnktteri, ekskýrsiialyq qyzmet kórsetetin uiymdar jáne basqa da uiymdar COVID-19-ǵa qarsy vaktsina almaǵan (turaqty meditsinalyq qarsy kórsetilimi bar jáne sońǵy 3 ai ishinde COVID-19-ben aýyryp jazylǵan adamdardy qospaǵanda) qyzmetkerleri úshin kúndizgi rejimde jumysqa jiberilýin shekteidi.
"Ashyq" jobasyna qatysatyn HQKO Egov.kz, telegramm-bot EgovKZBot 2.0 arqyly aldyn ala brondaý boiynsha jumys kúnderi saǵat 07:00-den 20:00-ge deiin jumys isteidi. Senbi jáne jeksenbi kúnderi jabyq bolady.
"Qazposhta" AQ jumys kestesi jumys kúnderi saǵat 09:00-den 18:00-ge deiin ashyq bolady, senbi jáne jeksenbi kúnderi jabylady.
Jeke meditsinalyq ortalyqtar, klinikala, stomatologiialar jumys jáne demalys kúnderi saǵat 08:00-den 20:00-ge deiin ashyq bolady.
Talapkerlerdiń joǵary oqý oryndary men kolledjderge túsýi úshin qujattardy qabyldaýdy qashyqtan júrgiziledi.
Sondai-aq Nur-Sultan qalasymen irgeles jatqan Aqmola oblysynyń Býrabai, Tselinograd jáne Arshaly aýdandarynda da karantin kúsheiedi.
Shymkent: mektepke deiingi mekemeler jumysyna tyiym salynady
Shymkent qalasynyń bas sanitar dárigeriniń qaýlysyna sáikes, 2 tamyzdan bastap qalada sulýlyq salony, shashtaraz, kosmetologiialyq qyzmet kórsetetin oryndar Ashyq júiesine tirkelgen bolsa, 09:00-20:00 aralyǵynda jumys isteidi. Alaida senbi-jeksenbi kúnderi jabyq bolady.
Azyq-túlik dúkenderi, sýpermarketter qalypty rejimde jumys isteidi. Azyq-túlik satpaityn dúkender tek jetkizý arqyly qyzmet kórsetedi.
Meditsinalyq ortalyqtar, stomatologiia aldyn ala jazylý boiynsha qalypty rejimde jumys isteidi. Qoǵamdyq kólik jumys kúnderi qalypty rejimde qatynaidy, demalys kúnderi júrmeidi.
Bank, HQKO, Qazposhta bólimsheleri "Ashyq" júiesinde bolsa, 09:00-18:00 arasynda qyzmet etedi. Demalys kúnderi jumys istemeidi. Mektepke deiingi mekemeler jumysyna tyiym salynǵan.
...
Qaýly 2 tamyz – 16 tamyz aralyǵynda kúshinde bolady.
Sonymen qatar, VAK Aqmola, Almaty, Qaraǵandy oblystarynda Nur-Sultanmen (Býrabai, Tselinograd, Arshaly aýdandary), Almatymen (Qarasai, Talǵar, Ile, Eńbekshiqazaq aýdandary), Shymkentpen (Sairam, Tólebi aýdandary), Qaraǵandy qalasymen (Temirtaý, Shahtinsk, Abai) shektesetin shekaralas aimaqtarda karantindik sharalardy kúsheitý sharalaryn qabyldaý týraly uiǵarym shyǵardy.
Oblystyq ákimdikterge osy shekteýlerdi engizý jáne olardyń saqtalýyn baqylaý boiynsha barlyq sharalardy qabyldaý tapsyryldy.
Sondai-aq, bas memlekettik sanitarlyq dárigerdiń 14 shildedegi qaýlysyna sáikes, 10 tamyzǵa deiin qyzmet kórsetý salasynyń barlyq jumysshylary COVID-19 vaktsinasynyń birinshi komponentin alýy tiis.
