قازاقستاندا كەسٸپكەرلٸكتٸ نەسيەلەندٸرۋ بٸرنەشە جىلعا سوزىلعان تٶمەندەۋدەن كەيٸن قايتا جانداندى. قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مەدينا ەبٸلقاسىموۆانىڭ ايتۋىنشا, بانكتەر ەكونوميكانى بەلسەندٸ قارجىلاندىرۋعا كٶشكەن, دەپ حابارلايدى dalanews.kz.
2017–2020 جىلدار ارالىعىندا ناقتى سەكتورعا بەرٸلگەن نەسيە كٶلەمٸ 16,1 پايىزعا قىسقارعان. الايدا 2021 جىلدان باستاپ كٶرسەتكٸش تۇراقتى ٶسٸمگە شىقتى.
2021–2025 جىلدارى بيزنەسكە بەرٸلگەن نەسيە پورتفەلٸ جىل سايىن ورتا ەسەپپەن 15,3 پايىزعا ۇلعايعان. نەتيجەسٸندە 2020 جىلدان بەرٸ ونىڭ كٶلەمٸ ەكٸ ەسەدەن استام ٶسٸپ, 16,1 ترلن تەڭگەگە جەتتٸ. ال نەسيە العان كەسٸپكەرلەردٸڭ سانى 57 مىڭنان 597 مىڭعا دەيٸن, ياعني ون ەسەدەن استام كٶبەيدٸ.
"بيزنەسكە بەرٸلەتٸن نەسيەنٸڭ بٸرنەشە جىل بويى قىسقارۋ ٷردٸسٸ توقتادى. بانكتەر ەكونوميكانى قايتادان بەلسەندٸ قارجىلاندىرا باستادى", – دەدٸ اگەنتتٸك تٶراعاسى.
سونىمەن قاتار بانكتەردٸڭ ٸرٸ ينۆەستيتسييالىق جوبالاردى قارجىلاندىرۋ مٷمكٸندٸگٸ كەڭەيتٸلگەن. شاعىن جەنە ورتا بيزنەسكە بەرٸلەتٸن نەسيەلەر مەن سينديكاتتالعان قارىزدار بويىنشا تەۋەكەل سالماعى 50 پايىزعا دەيٸن تٶمەندەتٸلدٸ. شوب-تى قولداۋعا ارنالعان كەپٸلدٸك قورى قۇرىلىپ, سينديكاتتالعان نەسيەلەۋدٸڭ قۇقىقتىق نەگٸزٸ قالىپتاستىرىلدى.
"بەيتەرەك" حولدينگٸمەن بٸرلەسٸپ جالپى قۇنى 10,7 ترلن تەڭگە بولاتىن ينۆەستيتسييالىق جوبالار پۋلى جاساقتالعان. ونىڭ ٸشٸنەن 2,5 ترلن تەڭگەگە باعالانعان توعىز جوبا ماقۇلداندى.
كەلەسٸ كەزەڭدە بانكتەردٸڭ ينۆەستيتسييالىق جوبالارعا قاتىسۋ اۋقىمىن كەڭەيتٸپ, تٸكەلەي مەملەكەتتٸك قارجىلاندىرۋدان جەكە بانك كاپيتالىن تارتۋعا بٸرتٸندەپ كٶشۋ جوسپارلانىپ وتىر.
مەدينا ەبٸلقاسىموۆانىڭ سٶزٸنشە, بانك سەكتورى ساۋىقتىرۋ كەزەڭٸنەن ٶتٸپ, جەتكٸلٸكتٸ تۇراقتىلىق قورىن قالىپتاستىرعان. ەندٸگٸ مٸندەت – وسى رەسۋرستى بيزنەستٸ, جەكە ينۆەستيتسييالاردى جەنە ەكونوميكالىق ٶسٸمدٸ قارجىلاندىرۋعا باعىتتاۋ.
