قازاقستاندا بٸرنەشە نەسيە بويىنشا مەرزٸمٸ ٶتكەن بەرەشەگٸ بار ازاماتتارعا ارنالعان FinKelisim بٸرىڭعاي پلاتفورماسى جۇمىس ٸستەيدٸ. سەرۆيس قارىز الۋشىعا ەر بانك پەن ميكروقارجى ۇيىمىنا جەكە ٶتٸنٸش بەرمەي-اق, بارلىق كرەديتورمەن بٸر ۋاقىتتا كەلٸسۋگە مٷمكٸندٸك بەرەدٸ, دەپ حابارلايدى dalanews.kz.
Data Hub مەلٸمەتٸنشە, FinKelisim بيىل 1 شٸلدەدەن باستاپ قولدانىسقا ەنگٸزٸلدٸ. جوبا قارجى نارىعىن رەتتەۋ جەنە دامىتۋ اگەنتتٸگٸنٸڭ, بانك جەنە ميكروقارجى ومبۋدسماندارىنىڭ قاتىسۋىمەن جٷزەگە اسىرىلعان. ال بٸرٸنشٸ كرەديتتٸك بيۋرو قارىز الۋشى مەن كرەديتورلار اراسىنداعى ٶزارا ٸس-قيمىلدىڭ تسيفرلىق جٷيەسٸن قامتاماسىز ەتەتٸن تەحنولوگييالىق سەرٸكتەس رەتٸندە اتسالىسىپ وتىر.
پلاتفورما ارقىلى ازامات بٸرنەشە ۇيىمعا بٶلەك جٷگٸنۋدٸڭ ورنىنا بٸر عانا ٶتٸنٸش بەرەدٸ. قارىز الۋشىنىڭ جالپى قارجىلىق جاعدايى مەن بورىشتىق جٷكتەمەسٸ ەسكەرٸلٸپ, بارلىق بەرەشەكتٸ ٶتەۋگە ارنالعان ورتاق كەستە جاسالادى. ازامات تا ەر كرەديتورعا جەكە-جەكە اقشا اۋدارمايدى: بٸر تٶلەم ەنگٸزەدٸ, ال قاراجات تيٸستٸ ۇيىمدار اراسىندا بٶلٸنەدٸ.
قازٸرگٸ ۋاقىتتا پلاتفورماعا 44 مىڭنان استام قازاقستاندىق تٸركەلگەن.
FinKelisim مٷمكٸندٸگٸن پايدالانۋ ٷشٸن قارىز الۋشىنىڭ كەپٸلسٸز تۇتىنۋشىلىق كرەديتتەرٸنٸڭ كەمٸندە ەكەۋٸ 90 كٷننەن استام ۋاقىت بويى ٶتەلمەگەن بولۋى كەرەك. جالپى قارىز كٶلەمٸ 650 مىڭنان 7 ملن تەڭگەگە دەيٸنگٸ ارالىقتا بولۋى قاجەت. سونىمەن قاتار اتالعان قارىزدار بويىنشا سوت شەشٸمٸ شىقپاۋى جەنە مەجبٷرلەپ ٶندٸرٸپ الۋ رەسٸمٸ باستالماۋى تيٸس.
بەرەشەكتٸ ٶتەۋدٸڭ بٸرىڭعاي كەستەسٸ بەس جىلعا دەيٸن جاسالۋى مٷمكٸن. ال حالىقتىڭ ەلەۋمەتتٸك وسال ساناتتارىنا جاتاتىن ازاماتتار ٷشٸن بۇل مەرزٸم جەتٸ جىلعا دەيٸن ۇزارتىلۋى ىقتيمال.
ٶتٸنٸش بەرۋ, كرەديتورلارمەن كەلٸسۋ جەنە قۇجاتتارعا قول قويۋ ٷدەرٸسٸنٸڭ بارلىعى ونلاين جٷرگٸزٸلەدٸ.
ايتا كەتەيٸك, FinKelisim قارىزدى كەشٸرمەيدٸ, جاڭا نەسيە بەرمەيدٸ جەنە قايتا قارجىلاندىرۋ قىزمەتٸن اتقارمايدى.
