Qazaqstanda birneshe nesie boiynsha merzimi ótken bereshegi bar azamattarǵa arnalǵan FinKelisim biryńǵai platformasy jumys isteidi. Servis qaryz alýshyǵa ár bank pen mikroqarjy uiymyna jeke ótinish bermei-aq, barlyq kreditormen bir ýaqytta kelisýge múmkindik beredi, dep habarlaidy dalanews.kz.
Data Hub málimetinshe, FinKelisim biyl 1 shildeden bastap qoldanysqa engizildi. Joba Qarjy naryǵyn retteý jáne damytý agenttiginiń, bank jáne mikroqarjy ombýdsmandarynyń qatysýymen júzege asyrylǵan. Al Birinshi kredittik biýro qaryz alýshy men kreditorlar arasyndaǵy ózara is-qimyldyń tsifrlyq júiesin qamtamasyz etetin tehnologiialyq seriktes retinde atsalysyp otyr.
Platforma arqyly azamat birneshe uiymǵa bólek júginýdiń ornyna bir ǵana ótinish beredi. Qaryz alýshynyń jalpy qarjylyq jaǵdaiy men boryshtyq júktemesi eskerilip, barlyq bereshekti óteýge arnalǵan ortaq keste jasalady. Azamat ta ár kreditorǵa jeke-jeke aqsha aýdarmaidy: bir tólem engizedi, al qarajat tiisti uiymdar arasynda bólinedi.
Qazirgi ýaqytta platformaǵa 44 myńnan astam qazaqstandyq tirkelgen.
FinKelisim múmkindigin paidalaný úshin qaryz alýshynyń kepilsiz tutynýshylyq kreditteriniń keminde ekeýi 90 kúnnen astam ýaqyt boiy ótelmegen bolýy kerek. Jalpy qaryz kólemi 650 myńnan 7 mln teńgege deiingi aralyqta bolýy qajet. Sonymen qatar atalǵan qaryzdar boiynsha sot sheshimi shyqpaýy jáne májbúrlep óndirip alý rásimi bastalmaýy tiis.
Bereshekti óteýdiń biryńǵai kestesi bes jylǵa deiin jasalýy múmkin. Al halyqtyń áleýmettik osal sanattaryna jatatyn azamattar úshin bul merzim jeti jylǵa deiin uzartylýy yqtimal.
Ótinish berý, kreditorlarmen kelisý jáne qujattarǵa qol qoiý úderisiniń barlyǵy onlain júrgiziledi.
Aita keteiik, FinKelisim qaryzdy keshirmeidi, jańa nesie bermeidi jáne qaita qarjylandyrý qyzmetin atqarmaidy.
