ءبىز 1 جاسقا دەيىن تولەنەتىن بالا كۇتىمى بويىنشا جاردەماقىنى كوبەيتۋ ماسەلەسىن كوتەرگىمىز كەلەدى، دەپ مالىمدەدى ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ۇكىمەتتەگى باسپا ءسوز جيىنىندا، دەپ حابارلايدى Dalanews.kz.
- ءبىز ەڭبەك مينيسترلىگىندە 1 جىلعا دەيىن تولەنەتىن بالا كۇتىمى بويىنشا جاردەماقىنى كوبەيتۋ ماسەلەسىن كوتەرگىمىز كەلەدى. ازىرگە 1،5 جىلعا نەمەسە 3 جىلعا دەيىن تولەۋ جاعىن قاراستىرىپ وتىرمىز. بۇل قيسىندى بولار ەدى، - دەدى نۇرىمبەتوۆ.
ونىڭ سوزىنشە، بۇگىندە ەلىمىزدە 387 مىڭعا جۋىق انا بالا كۇتىمىنە تولەنەتىن جاردەماقى الادى، ونىڭ كوپ بولىگى اي سايىن 15-تەن 24 مىڭعا دەيىن الەۋمەتتىك ساقتاندىرۋ قورى ەسەبىنەن الادى.
- سوندىقتان ءبىز بۇل ماسەلەلەردى سارالاۋ ۇستىندەمىز جانە وسىنداي باستاما كوتەرمەكپىز. سونداي-اق، ءبىز مۇگەدەكتىك بويىنشا بەرىلەتىن جاردەماقىنى دا جالپى قايتا قاراستىرعىمىز كەلەدى، - دەدى مينيستر.
ونىڭ ايتۋىنشا، ەرەكشە قولداۋدى قاجەت ەتەتىن بۇل ساناتقا جاتاتىن ادامدار كومەككە ءزارۋ.
- ءبىز مۇگەدەك بالالاردى كۇتۋگە جاردەماقى تولەۋ ماسەلەسىن كوتەرگىمىز كەلەدى، ءقازىر بىزدە مۇگەدەك بالانى كۇتۋگە اتا-اناسى نەمەسە قامقورشىلارىنا، سونداي-اق بالا كەزىنەن ءبىرىنشى توپتاعى مۇگەدەكتەرگە جاردەماقى كوزدەلگەن.
بالا كەزىنەن ەمەس، كەيىن مۇگەدەك بولعان ەرەسەك ادامدار دا كۇتىمدى قاجەت ەتەدى، سوندىقتان قوسىمشا جاردەماقى ەنگىزۋ دۇرىس جانە قيسىندى بولار ەدى.
مۇنىڭ ءبارى مينيسترلىكتىڭ جوسپارى. ۇسىنىستار ۇكىمەتتىڭ نەمەسە اتقارۋشى ورگانداردىڭ بەكىتۋىنە ءالى ەنگىزىلگەن جوق، - دەپ ءتۇسىندىردى نۇرىمبەتوۆ.
