Biz 1 jasqa deiin tólenetin bala kútimi boiynsha járdemaqyny kóbeitý máselesin kótergimiz keledi, dep málimdedi QR Eńbek jáne halyqty áleýmettik qorǵaý ministri Birjan Nurymbetov úkimettegi baspasóz jiynynda, dep habarlaidy Dalanews.kz.
- Biz Eńbek ministrliginde 1 jylǵa deiin tólenetin bala kútimi boiynsha járdemaqyny kóbeitý máselesin kótergimiz keledi. Ázirge 1,5 jylǵa nemese 3 jylǵa deiin tóleý jaǵyn qarastyryp otyrmyz. Bul qisyndy bolar edi, - dedi Nurymbetov.
Onyń sózinshe, búginde elimizde 387 myńǵa jýyq ana bala kútimine tólenetin járdemaqy alady, onyń kóp bóligi ai saiyn 15-ten 24 myńǵa deiin áleýmettik saqtandyrý qory esebinen alady.
- Sondyqtan biz bul máselelerdi saralaý ústindemiz jáne osyndai bastama kótermekpiz. Sondai-aq, biz múgedektik boiynsha beriletin járdemaqyny da jalpy qaita qarastyrǵymyz keledi, - dedi ministr.
Onyń aitýynsha, erekshe qoldaýdy qajet etetin bul sanatqa jatatyn adamdar kómekke zárý.
- Biz múgedek balalardy kútýge járdemaqy tóleý máselesin kótergimiz keledi, qazir bizde múgedek balany kútýge ata-anasy nemese qamqorshylaryna, sondai-aq bala kezinen birinshi toptaǵy múgedekterge járdemaqy kózdelgen.
Bala kezinen emes, keiin múgedek bolǵan eresek adamdar da kútimdi qajet etedi, sondyqtan qosymsha járdemaqy engizý durys jáne qisyndy bolar edi.
Munyń bári ministrliktiń jospary. Usynystar úkimettiń nemese atqarýshy organdardyń bekitýine áli engizilgen joq, - dep túsindirdi Nurymbetov.
