قازاقستاندا تۇراقتى تۇرىپ جاتقان شەتەل ازاماتتارىنىڭ سانى 212 مىڭعا جەتتى. بۇل تۋرالى 22 شىلدەدە وتكەن ۇكىمەت وتىرىسىندا ىشكى ىستەر ءمينيسترىنىڭ ءبىرىنشى ورىنباسارى باۋىرجان الەنوۆ مالىمدەدى، دەپ حابارلايدى Dalanews.kz.
ونىڭ ايتۋىنشا، سوڭعى ءۇش جىلدا ەلدە تۇراقتى تۇرىپ جاتقان شەتەلدىكتەر سانى 42%-عا ارتقان. ال بيىلعى جىلدىڭ العاشقى التى ايىندا قازاقستانعا 7،5 ميلليون شەتەلدىك كىرگەن. بۇل وتكەن جىلمەن سالىستىرعاندا 600 مىڭ ادامعا ارتىق. كەلگەندەردىڭ 90%-ىن تمد ەلدەرىنىڭ ازاماتتارى قۇرايدى.
قاي وڭىرلەردە كوپ قونىستانعان؟
- الماتىدا – 42 مىڭ
- الماتى وبلىسىندا – 32 مىڭ
- استانا مەن قاراعاندى وبلىستارىندا – 17 مىڭ
سونىمەن قاتار 430 مىڭنان استام شەتەل ازاماتى ەلدە ۋاقىتشا تۇرىپ جاتىر. ولاردىڭ باسىم بولىگى — 360 مىڭى — جۇمىس ىستەۋگە كەلگەن. قالعاندارى وتباسىمەن قوسىلۋ (17 مىڭ)، ءبىلىم الۋ (8 مىڭ) جانە وزگە ماقساتتارمەن (44 مىڭ) كەلگەن.
كوشى-قون ءتارتىبى بۇزىلعان جاعدايدا نە بولادى؟
باۋىرجان الەنوۆتىڭ ايتۋىنشا، شەتەلدىكتەردىڭ 97%-ى زاڭدى ساقتايدى. الايدا بيىل كوشى-قون زاڭناماسىن بۇزعانى ءۇشىن 200 مىڭ شەتەلدىك اكىمشىلىك جاۋاپكەرشىلىككە تارتىلعان. سونىڭ ىشىندە 10 مىڭ ادامعا قازاقستانعا 5 جىلعا كىرۋگە تىيىم سالىندى.
ۆيسە-مينيستر قىلمىستىق قۇقىقبۇزۋشىلىق جاساعان شەتەل ازاماتتارى دا زاڭ اياسىندا جازالاناتىنىن ەرەكشە اتاپ ءوتتى.
