قازاقستاندا 12 جىلدىق بٸلٸم بەرۋ باعدارلاماسىن 11 جىلعا سىيعىزۋ مٷمكٸندٸگٸ قاراستىرىلادى. بۇل تۋرالى ٷكٸمەتتەگٸ بريفينگتە وقۋ-اعارتۋ مينيسترٸ جۇلدىز سٷلەيمەنوۆا مەلٸمدەدٸ, دەپ حابارلايدى dalanews.kz.
مەسەلە 12 جىل وقيتىن نازارباەۆ زيياتكەرلٸك مەكتەپتەرٸندەگٸ بٸلٸم بەرۋ جٷيەسٸن تالقىلاۋ كەزٸندە كٶتەرٸلگەن. قازٸر مينيسترلٸك وقۋ باعدارلامالارىن تالداپ جاتىر.
"12 جىلدىق بٸلٸم بەرۋ مازمۇنىن بٸرٸكتٸرٸپ, "ونى 11 سىنىپتا اياقتاۋعا بولا ما?" دەگەن مەسەلەنٸ قاراستىرامىز. وسى ماقساتتا كوميسسييا قۇردىق. جۇمىس جالعاسىپ جاتىر", - دەدٸ مينيستر.
جۇلدىز سٷلەيمەنوۆانىڭ ايتۋىنشا, كەيبٸر اتا-انالار بالالارىن نزم-دان 10-سىنىپتان كەيٸن الىپ كەتەدٸ. الايدا مۇنداي وقۋشىلاردى جالپى بٸلٸم بەرەتٸن مەكتەپكە اۋىستىرۋ كەزٸندە قيىندىق تۋىندايدى. سەبەبٸ قاراپايىم مەكتەپتەردە نەگٸزگٸ ورتا بٸلٸم 9-سىنىپتان كەيٸن اياقتالسا, نزم-دا بۇل كەزەڭ 10-سىنىپتان كەيٸن اياقتالادى.
مينيستر ەزٸرگە ناقتى شەشٸم قابىلدانباعانىن اتاپ ٶتتٸ. كوميسسييا وقۋ باعدارلامالارىن زەرتتەپ, 12 جىلدىق بٸلٸم بەرۋ مودەلٸن 11 جىلعا قىسقارتۋ مٷمكٸندٸگٸن انىقتايدى.
