"1977 جىلى شىققان «سوۆەتتىك قازاقستان» اتتى ورىس تىلىندەگى كىتابىندا قونايەۆ باقىتتى ەل قانداي دەپ ساۋال قويىپ، سوعان ءوزى جاۋاپ بەرىپتى. “ەتو 19 وبلاستەي، بولەە 80 گورودوۆ، 193 پوسەلكا گورودسكوگو تيپا، 218 سەلسكيح رايونوۆ، گدە درۋجنوي سەمەي جيۆۋت ي ترۋدياتسيا پرەدستاۆيتەلي بولەە 100 ناسيونالنوستەي ي نارودنوستەي”.
ەڭ وكىنىشتىسى، بۇل قيسىنسىز وتىرىك وسى كۇنگە دەيىن جالعاسىپ كەلەدى.
«كازاحستان – منوگوناسيونالنايا سترانا، كوتورىي ستال رودينوي دليا پرەدستاۆيتەلەي بولەە ستا نارودوۆ» دەپ ەركىنسىگەن دۇڭگەن ەتنوس ۇيىمنىڭ باسشىسى ءالى جالاۋلاتىپ ءجۇر"، – دەيدى تابەيەۆ.
ونىڭ دەرەگىنشە الماتى قالاسىنداعى «كوپ ۇلتتىڭ» اراسىنا 1 سومالي، 1 گاگاۋز، 1 نورد، 1 پۋشتۋن، 2 مودراكان دەگەندەردى رەسمي تىزىمگە قوسىپ قويعان.
"ونىڭ نە كەرەگى بار؟ كىم قىستاپ جاتىر؟ شىنىمدى ايتسام، اسپيرانتۋرا بىتىرگەن مەنىڭ ءوزىم «مودراكان» دەگەن پاقىردىڭ كىم ەكەنىن، قايدا تۇراتىنىن كوز الدىما ەلەستەتە المايمىن.
قونايەۆتىڭ كەزىنەن جالعاسىپ كەلە جاتقان كەرى ساياساتتىڭ كەسىرىنەن ورتامىزدا ءبىر ورىس (مودراكان، گاگاۋز، پۋشتۋن…) وتىرسا، انا تىلىمىزدە سويلەۋگە قىسىلاتىن بولدىق. «باسقالارعا تۇسىنىكتى بولۋ ءۇشىن…» دەپ بۇلكىلدەي جونەلەمىز. ءالى دە سولاي! ەگەر، مەملەكەتتىك ءىس-شارالاردا، جينالىستاردا پرەزيدەنت پەن ەلباسى تەك قانا قازاقشا سويلەي باستاسا، وزگەلەر دە سولاي سويلەۋگە ءماجۇبىر بولار ەدى"، – دەيدى قالامگەر.
وسى ورايدا وك ءبىرىنشى حاتشىسى جۇماباي شاياحمەتوۆتىڭ بيۋرو ماجىلىستەرىن كەيدە تازا قازاق تىلىندە جۇرگىزەتىنىن ايتقان بەلگىلى جازۋشى ءازىلحان نۇرشايىقوۆ ەستەلىگىن مىسالعا كەلتىرەدى.
"بىردە، ورىسى كوپ پلەنۋمدا «وك حاتشىسى» بولىپ بەكىتىلىپ جاتقان اناتوليي شالوۆتان ءومىربايانىن قازاقشا ايتىپ بەرۋىن سۇراعان. وعان شالوۆ رەنجىمەگەن، ءتىلى جەتكەنشە ايتىپ بەرگەن. كەيىنىرەك سول باتىلدىعى ءۇشىن مەملەكەت قايراتكەرى جۇماباي شاياحمەتوۆتى ەرەكشە جىلىلىقپەن ەسكە الاتىن دەيدى. مىنە، تاريحتا جاقسى اتى قالۋ دەگەن وسى!"، – دەيدى ماقالا اۆتورى.
ماقالانىڭ تولىق نۇسقاسىن تومەندەگى سىلتەمەگە ءوتىپ وقي الاسىز:
https://dalanews.kz/58548
