قازاقستان دەستٷرلٸ ٶنەركەسٸپ سالالارىندا, ەڭ الدىمەن تاۋ-كەن مەتاللۋرگييا كەشەنٸندە جاڭا ٶڭدەۋ دەڭگەيلەرٸن قۇرۋ ارقىلى تۇراقتى ەرٸ ساپالى ەكونوميكالىق ٶسٸمگە قول جەتكٸزە الادى. بۇل تۋرالى ٶزٸنٸڭ Facebook پاراقشاسىندا ەكونوميكالىق شولۋشى يۋريي ماسانوۆ مەلٸمدەپ, وتاندىق مەتاللۋرگييا سەكتورىنىڭ ەلەۋەتٸن ساراپقا سالدى, دەپ حابارلايدى Dalanews.
ساراپشىنىڭ اتاپ ٶتۋٸنشە, ەل ٸشٸندە ٶندٸرٸلگەن شيكٸزاتتىڭ باسىم بٶلٸگٸ ەلٸ دە بولسا ٶڭدەلمەگەن كٷيٸ شەتەلگە ساتىلىپ جاتىر. ۇلتتىق ستاتيستيكا بيۋروسىنىڭ مەلٸمەتتەرٸنە سٷيەنسەك, 2024 جىلى سىرتقا 3,14 ملرد اقش دوللارىنا 1,8 ملن توننا مىس كەنٸ مەن كونتسەنتراتى شىعارىلسا, 2025 جىلى بۇل كٶرسەتكٸش 2,8 ملرد دوللارعا 1,4 ملن توننانى قۇرادى. ال 2026 جىلدىڭ العاشقى جەتٸ ايىندا 2,3 ملرد دوللاردىڭ 845 مىڭ توننا شيكٸزاتى ەكسپورتتالعان.
ەكسپورتتان تٷسەتٸن ۆاليۋتالىق تٷسٸم تولاستاماعانىمەن, شيكٸزاتتى ٶڭدەمەي ساتۋ نەگٸزگٸ قوسىلعان قۇندى ٶزگە ەلدەردٸڭ ەنشٸسٸندە قالدىرادى. ساراپشىنىڭ پٸكٸرٸنشە, مىس كونتسەنتراتى — ٶندٸرٸستٸك تٸزبەكتٸڭ باستاپقى باسپالداعى ٶنٸم. سودان كەيٸن بالقىتۋ, قارا جەنە انودتى مىس, رافينادتالعان كاتودتى مىس الۋ, ودان ەرٸ سىم, كابەلدەر مەن كٷردەلٸ تەحنيكالىق جابدىقتار ٶندٸرٸسٸ جولعا قويىلۋى تيٸس.
«وسى جاڭا قايتا ٶڭدەۋ دەڭگەيلەرٸنٸڭ ەرقايسىسىندا قوسىلعان قۇن ٶسەدٸ. بۇل دەگەنٸمٸز — جاڭا ٶندٸرٸستەر مەن جۇمىس ورىندارىنىڭ پايدا بولۋى, بٸلٸكتٸ ماماندارعا, ەنەرگەتيكاعا, ترانسپورت پەن سەرۆيسگە دەگەن سۇرانىس. شيكٸزات ەكسپورتىنىڭ ورنىنا بٸز ەل ٸشٸندە تولىققاندى ٶنەركەسٸپتٸك ەكوجٷيە قالىپتاستىرا الامىز», — دەدٸ يۋريي ماسانوۆ.
بۇعان قوسا, ٶنٸمدٸ تەرەڭ ٶڭدەۋ التىن مەن كٷمٸس سيياقتى باعالى مەتالداردى بٶلٸپ الۋعا جەنە ەلەمدٸك لوگيستيكالىق كەدەرگٸلەر تۇسىندا ۋران سالاسىنا قاجەتتٸ كٷكٸرت قىشقىلىن ٶندٸرۋگە مٷمكٸندٸك بەرەدٸ.
حالىقارالىق ەنەرگەتيكالىق اگەنتتٸكتٸڭ جاساندى ينتەللەكت, داتا-ورتالىقتار مەن جاسىل تەحنولوگييالاردىڭ جەدەل دامۋىنا بايلانىستى 2035 جىلعا قاراي مىس تاپشىلىعى ورىن الادى دەگەن بولجامىن ەسكەرسەك, قازاقستانعا جاڭا ينۆەستيتسييالىق تسيكلدى باستاۋ اۋاداي قاجەت.
ەكونوميستٸڭ تٷيٸندەۋٸنشە, بۇل باعىتتاعى العاشقى سەرپٸن ەل ٸشٸندە جاڭا مەدەپلاۆيلنىي زاۋىتتاردىڭ قۇرىلىسى بولۋى تيٸس.
