قاراعاندى وبلىسىنىڭ بۇقار جىراۋ اۋدانىندا باستالعان دالا ٶرتٸ باياناۋىل مەملەكەتتٸك ۇلتتىق تابيعي پاركٸنٸڭ اۋماعىنا ٶتتٸ, دەپ حابارلايدى dalanews.kz.
ٶرت 14 قىركٷيەكتە ساعات 11:58-دە بۇقار جىراۋ اۋدانى اۋماعىندا, باياناۋىل ۇلتتىق پاركٸنٸڭ شەكاراسىنا جاقىن جەردە قۇرعاق شٶپتٸڭ تۇتانۋىنان باستالعان. ساعات 20:40-تا جالىن ۇلتتىق پارك اۋماعىنا جەتكەن.
ٶرت دالبين بٶلٸمشەسٸنٸڭ 16-ورامىنداعى 5-بٶلٸكتە تٸركەلگەن. جالىننىڭ 24 جەنە 28-ورامداردىڭ جەكەلەگەن ۋچاسكەلەرٸنە تارالۋ قاۋپٸ بولعان.
ٶرتتٸ سٶندٸرۋگە باياناۋىل ۇلتتىق پاركٸنٸڭ, «ەرتٸس ورمانى» رەزەرۆاتىنىڭ, تٶتەنشە جاعدايلار قىزمەتٸنٸڭ, ەكٸباستۇز قالاسى مەن مايقايىڭ كەنتٸنٸڭ كٷشتەرٸ مەن تەحنيكاسى, سونداي-اق پاۆلودار وبلىستىق ورمان ينسپەكتسيياسىنىڭ ماماندارى جۇمىلدىرىلدى.
ٶرتتٸ ەۋەدەن باقىلاۋ ٷشٸن تٸكۇشاق پەن ەكٸ دەسانتشى تارتىلدى.
قازٸر ٶرتتٸ وقشاۋلاۋ جەنە تولىق سٶندٸرۋ جۇمىستارى جالعاسىپ جاتىر. جاعداي باقىلاۋدا. باياناۋىل ۇلتتىق پاركٸ ەرەكشە قورعالاتىن تابيعي اۋماق سانالادى, ونىڭ اۋماعى 68,4 مىڭ گەكتاردان اسادى.
