بيىلعى جىلى الەم ەلدەرى كورسەتكىشتەردىڭ ءتورت كاتەگورياسى بويىنشا باعالاندى:
- تەحنولوگيالاردى قۇرۋ مەن پايدالانۋ ءۇشىن جالپى ورتا؛
- اكت-ينفراقۇرىلىمداردىڭ قولجەتىمدىلىگى تۇرعىسىنان جەلىلىك ازىرلىك؛
- جاڭا تەحنولوگيالاردى ۇكىمەتتىڭ، جەكە سەكتوردىڭ جانە جەكە تۇلعالاردىڭ پايدالانۋى؛
- جاڭا تەحنولوگيالاردىڭ ەكونوميكالىق جانە الەۋمەتتىك ىقپالى.
وتكەن جىلمەن سالىستىرعاندا كوش باسىنداعى ۇشتىك – سينگاپۋر، فينليانديا، شۆەسيا وزگەرگەن جوق. قازاقستان تمد ەلدەرى اراسىندا كوشباسشى ورىنعا تۇراقتاپ، وڭىرلىك رەيتينگتى باستاپ تۇر.
«اكت سالاسىنداعى زاڭنامانى دامىتۋ» كورسەتكىشى بويىنشا قازاقستان 2015 جىلعى كورسەتكىشتەن (48 ورىن) 10 ورىنعا جوعارىلاپ، 2016 جىلى 38 ورىنعا تۇراقتادى.
«مەكتەپتەردە ينتەرنەتكە قولجەتىمدىلىك» كورسەتكىشى بويىنشا ەلىمىز ءبىر جىل ىشىندە 15 دەڭگەيگە كوتىرىلىپ، 41ء-شى ورىنعا جەتتى.
«بيزنەستى اشۋ ءۇشىن قاجەتتى ۋاقىت» جانە «بيزنەستى باستاۋعا قاجەتتى پروسەدۋرالار سانى» كورسەتكىشتەرى بويىنشا قازاقستان الەم ەلدەرىنىڭ العاشقى وتىزدىعىنا ەنەدى. بۇل رەتتە ءبىز ءبىر جىل ىشىندە كورسەتكىشتەرىمىزدى ەكى ەسەگە ارتتىرىپ، قازىرگى ۋاقىتتا سايكەسىنشە 26-شى جانە 22 ورىندارعا جەتتىك.
جەلىلىك دايىندىق يندەكسى – الەم ەلدەرىندە اقپاراتتىق قوعامدى دامىتۋ جونىندەگى جىل سايىنعى باياندامالار سەرياسى شەڭبەرىندە 2002 جىلدان بەرى دۇنيەجۇزىلىك ەكونوميكالىق فورۋم مەن INSEAD حالىقارالىق بيزنەس مەكتەبى ۇسىناتىن اكت-نى دامىتۋدىڭ كەشەندى كورسەتكىشتەرى. 2013 جىلى جوباعا كورنەلسك ۋنيۆەرسيتەتى جانىنداعى سەميۋەل كورتيس دجونسون اتىنداعى جوعارى باسقارۋ مەكتەبى (Samuel Curtis Johnson Graduate School of Management) قوسىلدى. ءتۇرلى ەلدەردەگى اقپاراتتىق قوعامنىڭ دامۋ دەڭگەيىن كورسەتەتىن سالىستىرمالى رەيتينگتەردى قۇرۋ ءۇشىن تالداۋ قۇرالى رەتىندە پايدالانىلادى.
"قمد" اقپارات
