Qazaqstan jelilik daıyndyq ındeksi boıynsha 139 eldiń arasynda 39-shy orynda. 2016 jylǵy 6 shildede Dúnıejúzilik ekonomıkalyq forým álemniń túrli elderindegi jelilik daıyndyq ındeksin anyqtaý boıynsha zertteý nátıjesi kórsetilgen jyl saıynǵy «Aqparattyq tehnologıalardy damytý boıynsha jahandyq esepti» jarıalady.

Bıylǵy jyly álem elderi kórsetkishterdiń tórt kategorıasy boıynsha baǵalandy:

1. Tehnologıalardy qurý men paıdalaný úshin jalpy orta;


2. AKT-ınfraqurylymdardyń qoljetimdiligi turǵysynan jelilik ázirlik;


3. Jańa tehnologıalardy úkimettiń, jeke sektordyń jáne jeke tulǵalardyń paıdalanýy;


4. Jańa tehnologıalardyń ekonomıkalyq jáne áleýmettik yqpaly.

Ótken jylmen salystyrǵanda kósh basyndaǵy úshtik – Sıngapýr, Fınlándıa, Shvesıa ózgergen joq. Qazaqstan TMD elderi arasynda kóshbasshy orynǵa turaqtap, óńirlik reıtıńti bastap tur.

«AKT salasyndaǵy zańnamany damytý» kórsetkishi boıynsha Qazaqstan  2015 jylǵy kórsetkishten (48 oryn) 10 orynǵa joǵarylap, 2016 jyly 38 orynǵa turaqtady.

«Mektepterde ınternetke qoljetimdilik» kórsetkishi boıynsha elimiz bir jyl ishinde 15 deńgeıge kótirilip, 41-shi orynǵa jetti.

«Bıznesti ashý úshin qajetti ýaqyt» jáne «Bıznesti bastaýǵa qajetti prosedýralar sany» kórsetkishteri boıynsha Qazaqstan álem elderiniń alǵashqy otyzdyǵyna enedi. Bul rette biz bir jyl ishinde kórsetkishterimizdi eki esege arttyryp, qazirgi ýaqytta sáıkesinshe 26-shy jáne 22 oryndarǵa jettik.

Jelilik daıyndyq ındeksi – álem elderinde aqparattyq qoǵamdy damytý jónindegi jyl saıynǵy baıandamalar serıasy sheńberinde 2002 jyldan beri Dúnıejúzilik ekonomıkalyq forým men INSEAD  halyqaralyq bıznes mektebi usynatyn AKT-ni damytýdyń keshendi kórsetkishteri. 2013 jyly jobaǵa Kornelsk ýnıversıteti janyndaǵy Semúel Kórtıs Djonson atyndaǵy Joǵary basqarý mektebi (Samuel Curtis Johnson Graduate School of Management) qosyldy. Túrli elderdegi aqparattyq qoǵamnyń damý deńgeıin kórsetetin salystyrmaly reıtıńterdi qurý úshin taldaý quraly retinde paıdalanylady.

 

"QmD" aqparat