11 قاڭتاردا ازاتتىق تٸلشٸسٸنٸڭ سۇراعىنا جاۋاپ بەرگەن قازاقستان سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ وسىلاي دەپ مەلٸمدەدٸ.
"كيٸز ٷي قويىلدى. بۇدان قانداي پروبلەما تۋىندادى? قويىلدى. كٶمەك كٶرسەتٸلدٸ. بۇل جەكە قازاقستاندىق كومپانييالاردىڭ باستاماسى. ٶزدەرٸ جيناپ, ٶزدەرٸ اپارىپ, ٶزدەرٸ كٶمەكتەسٸپ جاتىر" دەدٸ ايبەك سماديياروۆ.
ونىڭ ايتۋىنشا, قازاقستان جاعى كيٸز ٷيگە قاتىستى ارنايى كوممەنتاريي بەرۋدٸ حوش كٶرمەيدٸ. قازاقستاندا 300 مىڭعا جۋىق ۋكراين بارىن, ۋكراينادا دا قازاق دياسپوراسى بارىن ەسكە سالعان مينيسترلٸكتٸڭ رەسمي ٶكٸلٸ "ەرينە, ۋكراينادا جاعداي قيىن. سوندىقتان بۇل اقپارات مٷمكٸن باسقاشا كٶرٸنٸپ جاتقان شىعار. بٸراق بٸز ودان ەشقانداي مەسەلە كٶرٸپ تۇرعان جوقپىز" دەدٸ.
قاڭتار باسىندا ۋكراينانىڭ كيەۆ وبلىسىندا رەسەي باسقىنشىلىعىنان قاتتى زارداپ شەككەن اۋماقتاردىڭ بٸرٸ بۋچادا "نەزلامنوستٸ" ياعني, "مىزعىماستىق" پۋنكتٸ اشىلعان ەدٸ.
قازاق ٷي ٸشٸنە ورنالاسقان پۋنكت تۇرعىندارعا قىس كەزٸندە جارىق پەن جىلۋ بولماعان شاقتا تۇرعىندار كەلٸپ, جىلىنىپ, تەلەفوندارىن قۋاتتاپ الۋ ٷشٸن اشىلعان.
بۇعان دەيٸن قازاق ٷيدٸ قازاقستاندىق كەسٸپكەرلەر مەن ۋكرايناداعى قازاق دياسپوراسى ٶكٸلدەرٸنٸڭ تٸككەنٸ حابارلانعان.
بٸر كٷن بۇرىن رەسەي سٸم رەسمي ٶكٸلٸ مارييا زاحاروۆا قازاقستاندى بۋچاداعى قازاق ٷيگە بايلانىستى تٷسٸنٸكتەمە بەرۋگە ٷندەگەن ەدٸ. زاحاروۆانىڭ ايتۋىنشا, قازاقستاننىڭ رەسمي ٶكٸلدەرٸ قازاق ٷيگە قاتىسى جوعىن ايتقان. بٸراق "رەسەي-قازاقستان وداقتاستىعىنا نۇقسان كەلمەس ٷشٸن" رەسمي استانانىڭ وعان تٷسٸنٸكتەمە بەرگەنٸ ابزال دەگەن ەدٸ زاحاروۆا.
11 قاڭتاردا ازاتتىق تٸلشٸسٸ قازاقستاننىڭ رەسمي ٶكٸلدەرٸنەن زاحاروۆاعا "كيٸز ٷي" جايلى كٸم "تٷسٸنٸكتەمە بەردٸ" دەگەن سۇراققا سماديياروۆ "بٸلمەيمٸز" دەپ جاۋاپ بەردٸ.
