قازاقستان ۇلتتىق قۇراماسىنىڭ باس باپكەرٸ ستانيسلاۆ چەرچەسوۆ كوماندانىڭ نەتيجەسٸن جاقسارتۋ ٷشٸن قانداي ٶزگەرٸستەر قاجەت ەكەنٸن ايتتى, دەپ حابارلايدى Dalanews.kz.
"بۇل اقتالۋ ەمەس, بٸراق بٸزدٸڭ ەشقانداي ارتىقشىلىعىمىز بولمادى. استاناداعى سينتەتيكالىق الاڭدا ويناۋ مٷمكٸندٸگٸنەن ايىرىلدىق, ال ول بٸزگە بەلگٸلٸ بٸر باسىمدىق بەرەر ەدٸ. بۇل مەسەلەگە مەن كەلگەنگە دەيٸن ەشكٸم نازار اۋدارماعان. كٷنتٸزبە تىعىز جوسپارلانعاندىقتان, دايىندىققا قوسىمشا ۋاقىت قاراستىرىلماعان. بۇرىن مۇنداي مٷمكٸندٸك بار ەدٸ. كەلەسٸ جىلى استاناعا ورالامىز دەپ ٷمٸتتەنەمٸن, دەگەنمەن الماتىدا بٸزگە قولداۋ كٶرسەتكەندەرگە العىسىم شەكسٸز. الايدا سينتەتيكالىق الاڭنىڭ بولماۋى بٸزدٸڭ دايىندىق دەڭگەيٸمٸزگە ەسەر ەتتٸ. رەگلامەنت بويىنشا جاتتىعۋ ۋاقىتى شەكتەۋلٸ. مەسەلەن, اۆستريياعا ساپار الدىندا ەكٸ-اق كٷن دايىندالدىق.
مەن قۇراماعا كەلگەن كەزدە ونىڭ جاعدايى ەلەۋسٸز قالعانىن بايقادىم. قوسىمشا دايىندىق كٷندەرٸن سۇراپ, تيٸستٸ قۇجاتتار تاپسىردىم. بٷگٸن بٸرنەشە جاس ويىنشى, سونىڭ ٸشٸندە قاسىم مەن استانوۆ, ٶزدەرٸن كٶرسەتۋگە مٷمكٸندٸك الدى. كەلەسٸ تسيكلدە وسى قادامداردىڭ نەتيجەسٸن كٶرەتٸنٸمٸزگە سەنەمٸن", – دەدٸ چەرچەسوۆ Sports.kz پورتالىنا جاساعان مەلٸمدەمەسٸندە.
ەسكە سالا كەتەيٸك, رەسەيلٸك مامان باس باپكەرلٸككە كەلگەننەن بەرٸ قازاقستان قۇراماسى بەس ويىندا جەڭٸلٸپ, بٸر كەزدەسۋدە تەڭ تٷستٸ.
ايتا كەتەيٸك, بۇعان دەيٸن چەرچەسوۆ كٶپشٸلٸكتٸڭ سىنىنا ٸلٸككەن ەدٸ. ۇلتتار ليگاسى اياسىندا سلوۆەنييامەن ٶتكەن ماچتان كەيٸنگٸ باسپاسٶز كونفەرەنتسيياسىندا مارقۇم امانگەلدٸ سەيٸتحاننىڭ ۇلى بەگاسىل سەيٸتحان ستانيسلاۆ چەرچەسوۆكە قازاق تٸلٸندە سۇراق قويىپ باستايدى. باس باپكەر جۋرناليستٸڭ ٷستٸنە فرانتسييانىڭ پسج كلۋبىنىڭ جەيدەسٸن كيٸپ العانىن ەزٸلگە اينالدىرعىسى كەلدٸ مە, ەيتەۋٸر: "سەن قاي تٸلدە سٶيلەپ تۇرسىڭ – فرانتسۋزشا ما?" دەپ سٶزٸن بٶلدٸ. سونان سوڭ باسىن يزەپ, سۇراعىن جالعاستىرۋعا بولاتىنىن اڭعارتتى.
ودان كەيٸن كٶپشٸلٸك ستانيسلاۆ چەرچەسوۆتٸڭ مۇنىسىن قازاق تٸلٸن كەمسٸتۋگە بالاپ, ەلەۋمەتتٸك جەلٸدە وسى سۇقباتتىڭ ۆيدەوسىن جاپپاي بٶلٸسە باستادى. تۋريزم جەنە سپورت مينيسترلٸگٸ بۇل جاعدايعا بەي-جاي قاراماي, قازاقستان فۋتبول فەدەراتسيياسىنا رەسمي حات جولدادى. كٶپ ۇزاماي چەرچەسوۆكە ايىپپۇل سالىنعانى بەلگٸلٸ بولدى. پارلامەنتتە بۇل جايلى قازاقستان فۋتبول فەدەراتسيياسىنىڭ پرەزيدەنتٸ ەدٸلەت بەرمەنقۇلوۆ مەلٸم ەتتٸ. تۋريزم جەنە سپورت مينيسترٸ وسى جاعدايلاردان سوڭ ەلدٸ سابىرعا شاقىرىپ, جەلٸدە جازبا جارييالادى.
