Qazaqstan ulttyq quramasynyń bas bapkeri Stanislav Cherchesov komandanyń nátijesin jaqsartý úshin qandai ózgerister qajet ekenin aitty, dep habarlaidy Dalanews.kz.
"Bul aqtalý emes, biraq bizdiń eshqandai artyqshylyǵymyz bolmady. Astanadaǵy sintetikalyq alańda oinaý múmkindiginen aiyryldyq, al ol bizge belgili bir basymdyq berer edi. Bul máselege men kelgenge deiin eshkim nazar aýdarmaǵan. Kúntizbe tyǵyz josparlanǵandyqtan, daiyndyqqa qosymsha ýaqyt qarastyrylmaǵan. Buryn mundai múmkindik bar edi. Kelesi jyly Astanaǵa oralamyz dep úmittenemin, degenmen Almatyda bizge qoldaý kórsetkenderge alǵysym sheksiz. Alaida sintetikalyq alańnyń bolmaýy bizdiń daiyndyq deńgeiimizge áser etti. Reglament boiynsha jattyǵý ýaqyty shekteýli. Máselen, Avstriiaǵa sapar aldynda eki-aq kún daiyndaldyq.
Men quramaǵa kelgen kezde onyń jaǵdaiy eleýsiz qalǵanyn baiqadym. Qosymsha daiyndyq kúnderin surap, tiisti qujattar tapsyrdym. Búgin birneshe jas oiynshy, sonyń ishinde Qasym men Astanov, ózderin kórsetýge múmkindik aldy. Kelesi tsiklde osy qadamdardyń nátijesin kóretinimizge senemin", – dedi Cherchesov Sports.kz portalyna jasaǵan málimdemesinde.
Eske sala keteiik, reseilik maman bas bapkerlikke kelgennen beri Qazaqstan quramasy bes oiynda jeńilip, bir kezdesýde teń tústi.
Aita keteiik, buǵan deiin Cherchesov kópshiliktiń synyna ilikken edi. Ulttar ligasy aiasynda Sloveniiamen ótken machtan keiingi baspasóz konferentsiiasynda marqum Amangeldi Seiithannyń uly Begasyl Seiithan Stanislav Cherchesovke qazaq tilinde suraq qoiyp bastaidy. Bas bapker jýrnalistiń ústine Frantsiianyń PSJ klýbynyń jeidesin kiip alǵanyn ázilge ainaldyrǵysy keldi me, áiteýir: "Sen qai tilde sóilep tursyń – frantsýzsha ma?" dep sózin bóldi. Sonan soń basyn izep, suraǵyn jalǵastyrýǵa bolatynyn ańǵartty.
Odan keiin kópshilik Stanislav Cherchesovtiń munysyn qazaq tilin kemsitýge balap, áleýmettik jelide osy suqbattyń videosyn jappai bólise bastady. Týrizm jáne sport ministrligi bul jaǵdaiǵa bei-jai qaramai, Qazaqstan fýtbol federatsiiasyna resmi hat joldady. Kóp uzamai Cherchesovke aiyppul salynǵany belgili boldy. Parlamentte bul jaily Qazaqstan fýtbol federatsiiasynyń prezidenti Ádilet Bármenqulov málim etti. Týrizm jáne sport ministri osy jaǵdailardan soń eldi sabyrǵa shaqyryp, jelide jazba jariialady.
