2026 جىلعى 1 ناۋرىزداعى جاعداي بويىنشا قازاقستان قور بيرجاسىنداعى (KASE) اكسيالار نارىعىنىڭ جالپى كاپيتاليزاسياسى 44،7 ترلن تەڭگەنى قۇرادى، دەپ حابارلايدى Dalanews.kz.

اقپان ايىندا بۇل كورسەتكىش 1،8 پايىزعا ارتقان. ءوسىم نەگىزىنەن "قازمۇنايگاز" اكسيالارىنىڭ 8،5 پايىزعا جانە حالىق بانكىنىڭ 0،7 پايىزعا قىمباتتاۋىمەن بايلانىستى.

ساۋدا كولەمى ارتتى

اقپان ايىندا اكسيالارمەن ساۋدا كولەمى 24،4 ملرد تەڭگەگە جەتىپ، قاڭتارمەن سالىستىرعاندا 0،5 پايىزعا وسكەن. ءوسىم بويىنشا كوش باستاپ تۇرعاندار قاتارىندا "ەير استانا"، AltynGold جانە بانك سەنتركرەديت اكسيالارى بار.

وبليگاسيالار نارىعىندا سەرپىن بار

كورپوراتيۆتىك وبليگاسيالارمەن ساۋدا كولەمى ءبىر ايدا 3،1 ەسەگە ارتىپ، 356،6 ملرد تەڭگەنى قۇرادى.

سونداي-اق، KASE الاڭىندا اينالىمداعى مەملەكەتتىك بورىش كولەمى 2،8 پايىزعا ءوسىپ، 32،9 ترلن تەڭگەگە جەتكەن.