بۇگىن، 2025 جىلى 2 قازاندا مەملەكەت باسشىسى قاسىم-جومارت توقايەۆ وپەك-تىڭ باس حاتشىسى حايتام ال-گايستى قابىلدادى. اقوردانىڭ حابارلاۋىنشا، تاراپتار الەمدىك مۇناي نارىعىنىڭ قازىرگى جاعدايى مەن ىنتىماقتاستىقتىڭ وزەكتى ماسەلەلەرىن تالقىلادى، دەپ حابارلايدى Dalanews.kz.
مەملەكەت باسشىسى وپەك-تىڭ جاھاندىق مۇناي نارىعىنىڭ تۇراقتىلىعىن قامتاماسىز ەتۋگە باعىتتالعان كۇش-جىگەرىن جوعارى باعالاپ، حايتام ال-گايستىڭ ساپارىن ەلىمىز بەن ۇيىم اراسىنداعى كونسترۋكتيۆتى ديالوگتى دامىتۋدا ماڭىزدى قادام رەتىندە قاراستىراتىنىن اتاپ ءوتتى.
پرەزيدەنتتىڭ ايتۋىنشا، قازاقستان ۇلتتىق مۇددەنى قورعاۋعا باسىمدىق بەرە وتىرىپ، مۇناي ءوندىرۋ كولەمىن بىرتىندەپ ۇلعايتۋ جونىندەگى وپەك+ شەشىمىن قولدايدى.
اڭگىمەلەسۋ بارىسىندا وڭىردەگى ەنەرگەتيكالىق جۇيەنىڭ ورنىقتىلىعىن نىعايتۋ باعىتىنداعى بىرلەسكەن شارالار پىسىقتالدى. سونداي-اق مۇناي ءوندىرۋشى ەلدەر مەن كومىرسۋتەگىن يمپورتتاۋشى مەملەكەتتەر اراسىنداعى مۇددەلەر تەڭگەرىمىن ساقتاۋدىڭ ماڭىزىنا ءمان بەرىلدى.
ايتا كەتسەك، وپەك حاتشىلىعى 1 قازاندا التى ەلدەن، اتاپ ايتقاندا، رەسەيدەن، يراكتان، بىرىككەن اراب امىرلىكتەرىنەن، كۋۆەيتتەن، قازاقستاننان جانە وماننان مۇناي ءوندىرىسى كولەمىن قىسقارتۋ بويىنشا قارىزداردى وتەۋدەگى جاڭارتىلعان كەستەءنى العاندارىن حابارلادى. Reuters اگەنتتىگىنىڭ حابارلاۋىنشا، بۇل قىسقارتۋلار ولاردىڭ الدىندا ارتىق وندىرگەن كولەمىن جابۋ ءۇشىن قاجەت ءارى ول 2025 جىلدىڭ قىركۇيەگىنەن 2026 جىلدىڭ ماۋسىمىنا دەيىنگى كەزەڭدى قامتيدى. ونىڭ باسىم بولىگىن قازاقستان، ودان كەيىن يراك، ءباا جانە رەسەي قامتيدى. كەستەگە سايكەس، قازاقستان اعىمداعى قوسىمشا كۆوتالاردان تىس ءوندىرىستى 2025 جىلعى قىركۇيەكتە تاۋلىگىنە 16 مىڭ باررەلدەن 2026 جىلعى ماۋسىمدا 656 مىڭ باررەلگە دەيىن (توتال — 2917) قىسقارتۋى ءتيىس. 2026 جىلعى ماۋسىمدا بارلىق التى ەلدىڭ قوسىمشا قىسقارقان مۇناي ءوندىرىسىنىڭ جالپى كولەمى تاۋلىگىنە 829 مىڭ باررەلدى قۇرايدى، ال ونىڭ 79%-ى قازاقستانعا تيەسىلى.
