«سەۋٸردە تاشكەنتكە ساپارلاعان قازاقستان پرەزيدەنتٸ قاسىم-جومارت توقاەۆ «ٶزبەكتٸ ٶز اعام» دەپ ارقاسىنان قاقتى. ميرزيياەۆ تا توقاەۆتى جاقىن تارتىپ, «قازاقتان جولداسىڭ بولسا, جولدا قالمايسىڭ» دەگەن تەمسٸلدٸ تٸلگە تيەك ەتتٸ. ايماقتاعى كٶشباستار ەكٸ مەملەكەتتٸڭ اراسىنان قىل ٶتپەس تاتۋ بولسا, تالاي-تالاي ەكونوميكالىق جوبالاردى بٸرلەسە قۇرىپ, يگٸلٸگٸن كٶرۋگە بولادى. توقاەۆ پەن ميرزيياەۆ ٸرگەسٸن قالاۋعا ۋاعدالاسقان قازاق-ٶزبەك شەكاراسىنداعى «ورتالىق ازييا» ورتالىعى بٸرلەسكەن جوبالاردىڭ باستاماسى عانا دەپ ويلايمىن», – دەيدٸ Dalanews.kz-كە پٸكٸر بٸلدٸرگەن ٶزبەك تاريحشىسى ميرزوحيد راحيموۆ.
ونىڭ ايتۋىنشا توقاەۆتىڭ پرەزيدەنتتٸك قىزمەتكە تاعايىندالعاسىن ورتا ازيياداعى العاشقى ساپارىن تاشكەنتتەن باستاۋى – قازاقستاننىڭ ٶزبەكستاندى ەكونوميكالىق قانا ەمەس, سونىمەن بٸرگە ساياسي سەرٸكتەس كٶرەتٸنٸنٸڭ بەلگٸسٸ.
«ەزٸر ورتا ازييا وداعى تۋرالى اۋىز تولتىرىپ ايتاتىن ساراپشىلار كٶپ. الايدا بۇل وداق ٶزدٸگٸنەن قۇرىلا سالمايدى. ورتا ازييانىڭ وداقتاسۋىن قالاساق, وسى ماقساتتا الدىمىزدان كەسە-كٶلدەنەڭ شىعار كٶپتەگەن قيىندىقتارمەن كٷرەسۋگە تۋرا كەلەدٸ. تەۋەلسٸزدٸك تۇسىندا ٶمٸرگە كەلگەن ۇرپاق ورتا ازييانىڭ توننىڭ ٸشكٸ باۋىنداي ٷيلەسٸپ, ۇيىمداسقانىن قالايدى.
