«Sáýirde Tashkentke saparlaǵan Qazaqstan prezidenti Qasym-Jomart Toqaev «ózbekti óz aǵam» dep arqasynan qaqty. Mirziiaev ta Toqaevty jaqyn tartyp, «qazaqtan joldasyń bolsa, jolda qalmaisyń» degen támsildi tilge tiek etti. Aimaqtaǵy kóshbastar eki memlekettiń arasynan qyl ótpes tatý bolsa, talai-talai ekonomikalyq jobalardy birlese quryp, igiligin kórýge bolady. Toqaev pen Mirziiaev irgesin qalaýǵa ýaǵdalasqan qazaq-ózbek shekarasyndaǵy «Ortalyq Aziia» ortalyǵy birlesken jobalardyń bastamasy ǵana dep oilaimyn», – deidi Dalanews.kz-ke pikir bildirgen ózbek tarihshysy Mirzohid Rahimov.
Onyń aitýynsha Toqaevtyń prezidenttik qyzmetke taǵaiyndalǵasyn Orta Aziiadaǵy alǵashqy saparyn Tashkentten bastaýy – Qazaqstannyń Ózbekstandy ekonomikalyq qana emes, sonymen birge saiasi seriktes kóretininiń belgisi.
«Ázir Orta Aziia odaǵy týraly aýyz toltyryp aitatyn sarapshylar kóp. Alaida bul odaq ózdiginen quryla salmaidy. Orta Aziianyń odaqtasýyn qalasaq, osy maqsatta aldymyzdan kese-kóldeneń shyǵar kóptegen qiyndyqtarmen kúresýge týra keledi. Táýelsizdik tusynda ómirge kelgen urpaq Orta Aziianyń tonnyń ishki baýyndai úilesip, uiymdasqanyn qalaidy.
